'ठिपक्यांची रांगोळी'फेम निखिलची पत्नीदेखील आहे अभिनेत्री; 'फुलाला सुगंध मातीचा'मध्ये करतीये काम

Guru Divekar: ही जोडी सोशल मीडियावर कमालीची सक्रीय असून अनेकदा एकत्र फोटोशूट करुन ते फोटो चाहत्यांसोबत शेअर करत असतात.

छोट्या पडद्यावरील अल्पावधीत लोकप्रिय झालेली मालिका म्हणजे ठिपक्यांची रांगोळी. या मालिकेतील कथानक आणि कलाकार यांनी प्रेक्षकांची मन अल्पावधीत जिंकून घेतली आहेत.

काही दिवसांपूर्वीच या मालिकेत निखिलची एन्ट्री झाली आहे. ही भूमिका अभिनेता गुरु दिवेकर साकारत आहे.

या मालिकेत पूर्वी अभिनेता श्रीकांत भिडे, निखिलची भूमिका साकारत होता. मात्र, त्याने काढता पाय घेतल्यानंतर गुरु दिवेकर या भूमिकेत पाहायला मिळत आहे.

नुकताच मालिकेत आलेला गुरु लोकप्रिय ठरत असून त्याच्याविषयी जाणून घेण्यासाठी चाहते उत्सुक आहेत.

गुरु सोशल मीडियावर सक्रीय असून वरचेवर त्याच्या पत्नीसोबतचे फोटो शेअर करत असतो.

गुरुची पत्नीदेखील त्याच्याप्रमाणे लोकप्रिय अभिनेत्री आहे. तसंच तिने अनेक गाजलेल्या मालिकांमध्ये काम केलं आहे.

गुरुच्या पत्नीचं नाव मधुरा जोशी-दिवेकर असं असून सध्या ती फुलाला सुगंध मातीचा या मालिकेत काम करत आहे.

मधुरा या मालिकेत इमली ही भूमिका साकारत आहे.

मधुरा आणि गुरुने ऑगस्ट २०२० मध्ये लग्नगाठ बांधली.

ही जोडी सोशल मीडियावर कमालीची सक्रीय असून अनेकदा एकत्र फोटोशूट करुन ते फोटो चाहत्यांसोबत शेअर करत असतात.