'तू चाल पुढं' फेम ध्रुव दातारच्या घरी लगीनघाई; हळद अन् केळवणाचे फोटो आले समोर

Dhruv datar: इचलकरंजी येथे राहत्या घरी ध्रुवच्या लग्नापूर्वीच्या विधींना सुरुवात झाली आहे.

टीव्हीवरील लोकप्रिय मालिका 'तू चाल पुढं'मधील जवळपास सगळेच कलाकार प्रेक्षकांमध्ये लोकप्रिय आहेत. त्यातलाच अभिनेता म्हणजे ध्रुव दातार (dhruv datar)

या मालिकेत विक्रम मोहिते ही नकारात्मक भूमिका साकारुन तो लोकप्रिय झाला. सध्या तो लक्ष्मीच्या पावलांनी या नव्या मालिकेत दिसून येत आहे.

अनेक तरुणींच्या मनावर राज्य करणारा ध्रुव लवकरच लग्नाच्या बेडीत अडकला जाणार आहे.

काही दिवसांपूर्वी ध्रुवची सोडमुंज झाली होती. याचे काही फोटोही त्याने सोशल मीडियावर शेअर केले होते.

ध्रुवच्या घरी लगीनघाईला सुरुवात झाली आहे. नुकतेच त्याने इन्स्टाग्रामवर काही फोटो शेअर केले आहेत. यात त्याचा हळदी समारंभ आणि केळवण पार पडलं.

इचलकरंजी येथे राहत्या घरी ध्रुवच्या लग्नापूर्वीच्या विधींना सुरुवात झाली आहे.

ध्रुव दातारने १४ मे रोजी अक्षता तिखेसोबत साखरपुडा केला. त्यानंतर लवकरच तो लग्नगाठ बांधणार आहे.

ध्रुवची होणारी बायको अक्षता तिखे ही नृत्यांगना आहे. तिने भरतनाट्यमचे धडे गिरवलेले असून आता ती कोरिओग्राफर म्हणून कार्यरत आहे.

ध्रुवचा त्याच्या आईसोबतचा सुरेख फोटो