किती गोड! फोटोत दिसणारी 'ही' क्यूट मुलगी आहे कोट्यवधींची मालकीण; नवराही आहे सुपरस्टार

निरागस डोळे, गोड स्माईल, टोपी आणि स्वेटर घातलेली ही मुलगी लहानपणी सगळ्यांना फार आवडायची. आजही तिच्या ग्लॅमरस स्टाईलने, अदांनी, अभिनयाने तिने लोकांच्या मनावर अधिराज्य केलं आहे. कोट्यवधींची मालकीण असलेली ही मुलगी म्हणजे बॉलिवूडची प्रसिद्ध अभिनेत्री दीपिका पादुकोण आहे.

दीपिका पादुकोणने 2007 साली शाहरुख खानच्या चित्रपटातून बॉलिवूडमध्ये पदार्पण केले. यानंतर तिने एकापेक्षा एक हिट चित्रपट केले. तिने हिंदी चित्रपटसृष्टीतील प्रसिद्ध अभिनेत्याशी लग्न केलं आहे. तसेच दीपिका तब्बल 497 कोटींची मालकीण आहे.

दीपिकाचा जन्म 5 जानेवारी 1986 रोजी झाला. तिचे वडील प्रकाश पादुकोण हे फॉर्मर प्रोफेशनल बॅडमिंटन प्लेयर आहेत आणि आई उज्जला ट्रॅव्हल एजंट आहे. धाकटी बहीण अनिशा गोल्फर आहे. दीपिकाचे आजोबा रमेश म्हैसूर बॅडमिंटन असोसिएशनचे सचिव होते.

जेव्हा दीपिका एक वर्षाची झाली तेव्हा कुटुंब भारतात परतले आणि बंगळुरूमध्ये स्थायिक झाले. येथेच अभिनेत्रीचा शिक्षण झालं. मॉडेलिंगच्या जगात करिअर करण्यासाठी दीपिकाने कॉलेज सोडले. दीपिकाने 2006 मध्ये एका कन्नड सिनेमातून अभिनय जगतात पाऊल ठेवले.

2007 मध्ये आलेल्या 'ओम शांती ओम' सिनेमातून दीपिकाला प्रचंड लोकप्रियता मिळाली. यानंतर दीपिकाने 'लव्ह आज कल', 'कॉकटेल', 'ये जवानी है दिवानी', 'चेन्नई एक्सप्रेस', 'पिकू', 'बाजीराव मस्तानी', 'पद्मावत' आणि 'पठाण' यांसारख्या चित्रपटांमध्ये काम केलं.

दीपिकाने 2008 मध्ये रणबीर कपूरला डेट केलं होतं. दोघंही त्यांच्या नात्याबद्दल मोकळेपणाने बोलले आणि मानेवर RK चा टॅटूही काढला, पण एका वर्षातच हे नाते तुटले. त्यानंतर त्यांनी 'ये जवानी है दिवानी' या चित्रपटात एकत्र काम केले.

दीपिकाच्या आयुष्यात रणवीर सिंगने प्रवेश केला. डेटिंग केल्यानंतर दोघांनी 2018 साली इटलीमध्ये लग्न केलं. दीपिका पादुकोण करोडो रूपयांची मालकीण आहे. 497 कोटी रुपये नेटवर्थ आहे. ती दर महिन्याला 3 कोटींहून अधिक कमावते.

दरवर्षीचे उत्पन्न 40 कोटींहून अधिक आहे. याशिवाय मुंबईत जवळपास 6 कोटी रुपयांचे एक अपार्टमेंट आहे. तिच्याकडे ऑडी, रेंज रोव्हर, मर्सिडीज बेंझ आणि बीएमडब्ल्यू सारख्या ब्रँडेड गाड्या आहेत ज्यांची किंमत कोट्यवधी रुपये आहेत. एका हिंदी वेबसाईटने याबाबतचे वृत्त दिले आहे.