IN PICS : अक्षय, आलिया, कतरिना, सलमान.... ३० सेकंदाच्या जाहिरातीतून कोट्यवधी कमावतात 'हे' स्टार्स

Bollywood actors : बॉलिवूड स्टार्स एका चित्रपटासाठी कोट्यवधी रुपये मानधन घेतात हे तर तुम्हाला ठाऊक असेलच. जाहिराती आणि ब्रँड एंडोर्समेंटमधूनही हे स्टार्स बक्कळ कमाई करतात.

बॉलिवूडचा सगळ्यात बिझी कुमार म्हणून ओळखला जाणारा अक्षय कुमार ३० सेकंदाच्या जाहिरातीसाठीही करोडोचं मानधन घेतो. अक्षय कुमार एका जाहिरातीसाठी तब्बल ८ ते १० कोटी रुपये मानधन आकारतो.

बॉलिवूडचा किंग खान शाहरुख खान अनेक मोठ्या ब्रँडच्या जाहिरातीत झळकतो. एका जाहिरातीसाठी तो ५ ते १० कोटी रुपये मानधन घेतो.

बॉलिवूडचा सिंघम अभिनेता अजय देवगणही मागे नाही. अजय एका जाहिरातीसाठी १ ते ५ कोटी रुपये घेतो.

कतरिना कैफ लवकरच टायगर ३ या सिनेमात झळकणार आहे. कॅट एका जाहिरातीसाठी १ ते ३ कोटी रुपये मानधन घेते.

बॉलिवूडचा दबंग खान सलमान खान मोजक्या जाहिराती करतो अन् एका जाहिरातीसाठी ४ ते १० कोटी रुपये मानधन घेतो.

बॉलिवूडची लोकप्रिय अभिनेत्री दीपिका पादुकोण हिचं मानधनही तगडं आहे. एका जाहिरातीसाठी ती ७ ते १० कोटी रुपये घेते.

नुकतीच आई झालेली आलिया भट एका जाहिरातीसाठी किती मानधन घेते, तर १ ते ३ कोटी रुपये.

अभिनेत्री अनुष्का शर्मा दीर्घकाळापासून कोणत्याच चित्रपटात झळकली नाही. पण म्हणून तिची क्रेझ संपलेली नाही. एका जाहिरातीसाठी ती ७ ते ८ कोटी रुपये मानधन घेते.

कतरिना कैफचा नवरोबा अर्थात अभिनेता विकी कौशल एका जाहिरातीसाठी १ ते ५कोटी रुपये घेतो.

आयुष्मान खुरानाने बॉलिवूडला अनेक हिट सिनेमे दिलेत. एका जाहिरातीसाठी तो १ ते ५ कोटी रुपये घेतो.

सनी लिओनीला सिनेमे मिळत नाहीत. पण जाहिरातीतून ती बक्कळ कमाई करते. एका जाहिरातीसाठी सनी ५० ते ६० लाख रुपये मानधन घेते.