Top Richest Actors : शाहरूखकडे टॉम क्रूज,जॅकी चॅनपेक्षाही अधिक पैसा; ठरला जगातील चौथा सर्वात श्रीमंत अभिनेता

Shah Rukh Khan : होय, जगातील सर्वात श्रीमंत अभिनेत्यांमध्ये शाहरुखने स्थान मिळवलं आहे. बड्याबड्या कलाकारांना मागे टाकत शाहरुखने हे स्थान पटकावलं आहे.

बॉलिवूडचा किंग खान शाहरुख खान सध्या चांगलाच चर्चेत आहे. शाहरूखचा ‘पठाण’ हा सिनेमा रिलीज होतोय आणि सध्या त्याची चर्चा आहे. याशिवाय आणखी एका कारणानं शाहरूख चर्चेत आला आहे.

होय, जगातील सर्वात श्रीमंत अभिनेत्यांमध्ये शाहरुखने स्थान मिळवलं आहे. बड्याबड्या कलाकारांना मागे टाकत शाहरुखने हे स्थान पटकावलं आहे.

जगातील सर्वात श्रीमंत कलाकारांच्या यादीत शाहरुख चौथ्या क्रमांकावर आहे. या यादीनुसार त्याची संपत्ती 770 मिलियन डॉलर म्हणजेच 6306 कोटी एवढी आहे.

या यादीत शाहरुख खानने टॉम क्रुज, जॅकी चॅन, जॉर्ज क्लूनी, रॉबर्ट डी नेरोसारख्या प्रसिद्ध कलाकारांना मागे टाकलं आहे.

गेल्या चार वर्षात शाहरूखचा एकही सिनेमा रिलीज झालेला नाही. याऊपरही जगातील सर्वाधिक श्रीमंत कलाकारांच्या यादीत शाहरूख टॉप 5 मध्ये आहे.

जगातील सर्वाधिक श्रीमंत कलाकारांच्या यादीत जेरी सीनफेल्ड पहिल्या क्रमांकावर आहे. टायलर पेरी दुसऱ्या तर ड्वेन जॉन्सन तिसऱ्या क्रमांकावर आहे.

चौथं स्थान शाहरूखने पटकावलं आहे.शाहरुख अभिनयाबरोबरच वेगवेगळ्या ब्रॅंडसाठी काम करतो.

शाहरूखची स्वतःची क्रिकेट टीम आहे. त्याच्या मालकीची व्हीएफएक्स कंपनी आणि रेड चिली नावाचं प्रॉडक्शन हाऊसही आहे. फोर्ब्सच्या आकडेवारीनुसार, शाहरूखची वार्षिक कमाई सुमारे ३१३ कोटी आहे.

चार वर्षानंतर शाहरूखचा ‘पठाण’ हा सिनेमा रिलीज होतोय. या चित्रपटात दीपिका पादुकोण, जॉन अब्राहम यांच्या प्रमुख भूमिका आहेत.

नुकताच या चित्रपटाचा ट्रेलर प्रदर्शित झाला असून प्रेक्षकांनी याला जबरदस्त प्रतिसाद दिला आहे.‘पठाण’ 25 जानेवारी 2023 रोजी चित्रपटगृहात धडकणार आहे.