अधिपतीच्या खऱ्या मास्तरीण बाई! अभिनेत्याची रिअल लाईफ पत्नीदेखील आहे अभिनेत्री, तुम्ही पाहिलंय का?

'तुला शिकवीण चांगलाच धडा' मालिकेतील अधिपतींच्या मास्तरीणबाई तर सगळ्यांच्याच परिचयाच्या आहेत. पण, हृषिकेशत्या खऱ्या आयुष्यातील मास्तरीण बाईंबद्दल तुम्हाला माहितीये का?

'तुला शिकवीण चांगलाच धडा' ही छोट्या पडद्यावरील लोकप्रिय मालिका आहे. या मालिकेतील अधिपती आणि अक्षराची जोडी प्रेक्षकांना आवडते.

झी मराठीच्या या मालिकेत अभिनेत्री शिवानी रांगोळे आणि हृषिकेश शेलार मुख्य भूमिकेत आहेत. मास्तरीण बाईंच्या प्रेमात पडलेला अधिपती आणि त्यांची लव्हस्टोरी या मालिकेतून दाखविण्यात येत आहे.

'तुला शिकवीण चांगलाच धडा' मालिकेतील अधिपतींच्या मास्तरीणबाई तर सगळ्यांच्याच परिचयाच्या आहेत. पण, हृषिकेशत्या खऱ्या आयुष्यातील मास्तरीण बाईंबद्दल तुम्हाला माहितीये का?

हृषिकेशच्या पत्नीचे नाव स्नेहा काटे शेलार असे आहे. नुकतंच त्यांच्या लग्नाला १० वर्ष पूर्ण झाली. यानिमित्ताने अभिनेत्याने खास पोस्ट शेअर केली होती.

हृषिकेशची पत्नी स्नेहासुद्धा एक अभिनेत्री आहे. तिने अनेक नाटकांमधे काम केले आहे . अभिनेत्री काजल काटेची ती बहीण आहे.

'एक महानायक- डॉ. आंबेडकर' या मालिकेत तिने जिजाबाई ही भूमिका साकारली होती. तर 'स्वराज्यजनिनी जिजामाता' मालिकेतही ती दिसली होती.

‘लक्ष्मी सदैव मंगलंम’ या मालिकेतून हृषिकेशने आपल्या करियरची सुरुवात केली होती. त्यानंतर त्याने ‘स्वराज्यजननी जिजामाता’, 'सुंदरा मनामध्ये भरली' या मालिकेत तो दिसला.

‘शांतेचे कार्ट चालू आहे’ या नाटकांतही त्याने काम केले आहे. सध्या तो अधिपती बनून प्रेक्षकांची मनं जिंकत आहे. हृषिकेश आणि स्नेहाला एक मुलगी देखील आहे.