'पुष्पा' नंतर साऊथचे हे ९ सिनेमे यावर्षी करणार आहेत धमाका, तयार रहा एकापेक्षा एक सिनेमे बघण्यासाठी!

Upcoming South Movies: २०२२ या सालात साऊथमधील काही मोठे सिनेमे पुन्हा एकदा धमाका करण्यासाठी सज्ज आहे. एकापेक्षा एक जबरदस्त सिनेमे बघायला मिळणार आहे.

Upcoming South Movies: हे तर सर्वांनाच माहीत आहे की, साऊथ इंडियन सिनेमांच्या बॉलिवूड रिमेक्सनी अनेक वर्ष बॉक्स ऑफिसवर बंपर कमाई केली आहे. ‘दबंग', ‘दृश्यम', 'कबीर सिंह' सारखे हेच ते सिनेमे. सोबतच अल्लू अर्जुन, महेश बाबू, रवी तेजा, विजय थलपति, नागर्जुन, राम चरण, प्रभास सारख्या सुपस्टार्सचं स्टारडम नॉर्थमध्ये वेगाने वाढत आहे. देशभरातील प्रेक्षकांना साऊथचे सिनेमे अधिक आवडायला लागले आहेत. बॉहुबली, जयभीम, केजीएफ आणि पुष्पाच्या यशानंतर आता तर आणखी काही साऊथचे मोठे सिनेमे येणार आहेत. त्यांची ही लिस्ट.

राधे श्याम - दिग्दर्शक राधा कृष्णा कुमारचा 'राधे श्याम' १४ जानेवारीला रिलीज होणार होता. पण कोरोनामुळे याची रिलीज डेट पोस्टपोन करण्यात आली. ३५० कोटी रूपये बजेट असलेल्या या सिनेमात प्रभास आणि पूजा हेगडे यांच्या मुख्य भूमिका आहेत. हा सिनेमा मेकर्सनी तमिळ, तेलुगू आणि हिंदी भाषेत शूट केला आहे.

RRR - या सिनेमाची सध्या चांगलीच क्रेझ आहे. कारण यात साऊथचा सुपरस्टार राम चरण, ज्यूनिअर एनटीआर, अजय देवगन आणि आलिया भट्ट यांच्या मुख्य भूमिका आहेत. ४०० कोटीचं बजेट असलेला हा सिनेमा एप्रिल २०२२ मध्ये रिलीज होऊ शकतो. 'बाहुबली'चे दिग्दर्शक एस.एस राजामौली यांनी या सिनेमाचं दिग्दर्शन केलं आहे.

आदिपुरुष - साऊथचा सुपरस्टार प्रभासचे या वर्षात दोन तीन सिनेमे येणार आहेत. दिग्दर्शक ओम राऊतच्या आगामी 'आदिपुरूष' सिनेमात प्रभास भगवान रामाच्या भूमिकेत दिसणार आहे. कृति सेनन सीतेच्या तर सैफ अली खान लंकेश रावणच्या भूमिकेत दिसणार आहे. हा सिनेमा यावर्षाच्या शेवटी रिलीज होऊ शकतो.

KGF: चॅप्टर 2 - कन्नड स्टार यशचा KGF 2 हा सिनेमा लवकरच रिलीज होणार आहे. १०० कोटी बजेट असलेल्या या सिनेमात संजय दत्तने व्हिलनची भूमिका केली आहे. तर रवीना टंडनही दिसणार आहे. हा सिनेमा एप्रिल २०२२ मध्ये रिलीज होऊ शकतो.

लाइगर - 'लायगर' हिंदी आणि तेलुगू अशा दोन भाषांमध्ये शूट करण्यात आली आहे. साऊथचा सुपरस्टार विजय देवरकोंडा यात बॉक्सरच्या भूमिकेत दिसणार आहे. तसेच यात अनन्या पांडे, रोनि रॉय आणि राम्या कृष्णनच्या भूमिका आहेत. हा सिनेमा २५ ऑगस्टला रिलीज होणार आहे.

सलार - प्रभासची मुख्य भूमिका असलेला साऊथ इंडियन अॅक्शन थ्रीलर 'सलार' हा सिनेमा कन्नड आणि तेलुगू भाषेत शूट केला आहे. प्रशांत नील आणि विजय किरागंदुर यांनी या सिनेमाचं दिग्दर्शन आणि निर्मिती केली आहे. दोघांनी केजीएफ चॅप्टर १ चं दिग्दर्शन केलं होतं. हा सिनेमा हिंदी, मल्याळम आणि तमिळमध्ये डब केला आहे. मे २०२२ मध्ये हा सिनेमा रिलीज होऊ शकतो.

घनी - घनी हा एक पिरियड स्पोर्ट्स ड्रामा सिनेमा आहे. ज्याचं दिग्दर्शन Kiran Korrapati ने केलं आहे. यात वरूण तेज आणि सुनील शेट्टी मुख्य भूमिकेत आहेत. हा सिनेमा डिसेंबर २०२२ मध्ये रिलीज होईल.

आचार्य - या सिनेमात चिरंजीवी, राम चरण, काजल अग्रवाल, सोनू सूद आणि पूजा हेगडे दिसणार आहेत. हा एक अॅक्शन-ड्रामा सिनेमा आहे. या सिनेमाचं बजेट ४०० कोटी रूपये आहे. एप्रिल २०२२ मध्ये हा सिनेमा रिलीज होऊ शकतो.

बीस्ट - सुपरस्टार विजय या सिनेमात दिसणार आहे. तसेच त्याच्यासोबत पूजा हेगडेही दिसणार आहे. हा सिनेमा एप्रिल महिन्यात रिलीज होणार अशी चर्चा आहे.