१३ वर्षीय मुलाला खून केल्यामुळे झाली अटक; मग पुढे..? चार भागांच्या 'या' वेबसीरिजची जगात चर्चा

केवळ ४ भागांची ही वेबसीरिज सध्या जगात गाजत असून मराठी सेलिब्रिटींपासून बॉलिवूड कलाकारांनी या वेबसीरिजचं कौतुक केलंय

सध्या जगभरात एका वेबसीरिजची चांगलीच चर्चा आहे. मराठीतील हेमंत ढोमेपासून हिंदीतील अनुराग कश्यपपर्यंत सर्वांनी ही वेबसीरिज सिनेप्रेमींना बघायला सांगितली आहे.

या हॉलिवूड वेबसीरिजचं नाव आहे Adolescence. वेबसीरिजची सध्या जगात चर्चा असून प्रेक्षक-समीक्षकांनी या सीरिजचं चांगलंच कौतुक केलं आहे.

Adolescence वेबसीरिजची कथा सांगायची तर एका १३ वर्षीय मुलाला त्याच्या वर्गमित्राचा खून केल्याच्या आरोपाखाली अटक होते. मग पुढे पोलीस हत्येचा तपास करायला सुरुवात करतात.

अल्पवयीन मुलाने केलेल्या हत्येचा तपास करताना पोलिसांना धक्कादायक गोष्टींचा उलगडा होतो. पुढे अल्पवयीन मुलगा खरंच दोषी आहे का, याचं उत्तर वेबसीरिज पाहूनच कळेल

केवळ ४ भागांची ही वेबसीरिज सध्या नेटफ्लिक्सवर चांगलीच ट्रेंडींग आहे. या वेबसीरिजमधील सर्व प्रमुख कलाकारांच्या अभिनयाचंही चांगलंच कौतुक होतंय.

ज्या प्रेक्षकांना क्राईम थ्रिलर वेबसीरिज बघण्याची आवड आहे, त्यांच्यासाठी Adolescence ही वेबसीरिज मस्ट वॉच आहे.

Adolescence ही वेबसीरिज खऱ्या घटनेवर आधारीत आहे. परंतु मेकर्सने मात्र या गोष्टीला दुजोरा दिला नाही. बॉलिवूडपासून मराठी इंडस्ट्रीतील सेलिब्रिटींंनी नावाजलेली ही वेबसीरिज तुम्ही नेटफ्लिक्सवर बघू शकता.