'रानबाजार'नंतर प्राजक्ताचा पुन्हा मराठमोळा साजशृंगार; पांढऱ्या रंगाच्या hand painted साडीत शेअर केले फोटो

Prajakta mali:सोशल मीडियावर सक्रीय असलेल्या प्राजक्ताने नुकतेच इन्स्टाग्रामवर तिचे काही फोटो शेअर केले आहेत.

मराठी कलाविश्वातील गुणी, सोज्वळ अभिनेत्री म्हणजे प्राजक्ता माळी. मात्र, गेल्या काही दिवसांपासून ती तिच्या बोल्ड अंदाजामुळे चर्चेत येत आहे.

अलिकडेच प्राजक्ताची मुख्य भूमिका असलेली रानबाजार ही सीरिज प्रेक्षकांच्या भेटीला आली. या सीरिजमध्ये तिच्यासह अभिनेत्री तेजस्विनी पंडितनेही स्क्रीन शेअर केली आहे.

कायम आदर्श सून, मुलगी अशाच भूमिका साकारणारी प्राजक्ता या सीरिजमध्ये पहिल्यांदाच बोल्ड अंदाजात प्रेक्षकांसमोर आली त्यामुळे अनेकांना धक्का बसला.

ही सीरिज पाहिल्यावर अनेकांनी प्राजक्ताच्या भूमिकेवर संमिश्र प्रतिक्रिया दिली. परंतु, आता प्राजक्ता पुन्हा एकदा तिच्या जुन्या रुपात प्रेक्षकांसमोर आली आहे.

सोशल मीडियावर सक्रीय असलेल्या प्राजक्ताने नुकतेच इन्स्टाग्रामवर तिचे काही फोटो शेअर केले आहेत.

या फोटोमध्ये प्राजक्ताने पांढऱ्या रंगाची साडी नेसली असून ही संपूर्ण साडी hand painted आहे. यावर छान पेंटिंग करण्यात आली आहे.

"कथकली…नाही नाही.. मी भरतनाट्यम् नर्तिका… @manaa_creations यांनी ही hand painted साडी गिफ्ट दिली; त्यामुळे हे चित्र flaunt करतेय… खूप सुंदर paintings असलेल्या खूप साड्या आहेत त्यांच्याकडे…", असं कॅप्शन देत प्राजक्ताने साडीतील फोटो शेअर केले आहेत.

सध्या सोशल मीडियावर प्राजक्ताचे हे फोटो चांगलेच व्हायरल होत असून त्याच्यावर कमेंट व लाइक्सचा पाऊस पडत आहे.

या फोटोमध्ये तिने तिची संपूर्ण साडीवरील डिझाइन फ्लॉण्ट केली आहे.

प्राजक्ताला जुन्या अंदाजात पाहून नेटकरी पुन्हा सैराट झाले आहेत.

प्राजक्ताची साडी ज्या डिझायनरने डिझाइन केली तिच्यासोबतही तिने खास फोटो शेअर केला आहे.