किस्सा : ऐश्वर्या-अभिषेकच्या लग्नाच्या आदल्या रात्री 'जान्हवी'ने उडवली होती बच्चन कुटुंबाची झोप...

Aishwarya Rai and Abhishek Bachchan : होय, एकीकडे ऐश्वर्या आणि अभिषेकच्या लग्नाची तयारी सुरू असतानाच बच्चन कुटुंबायांच्या घरासमोर घडलेल्या एका घटनेनं सगळीकडे खळबळ उडाली होती.

अभिषेक बच्चन आणि ऐश्वर्या राय-बच्चन हे बॉलिवूडमधील सर्वात आवडतं कपल. दाेघंही आपल्या संसारात आनंदी आहेत. पण २००७ ची ती घटना आठवून अभिषेकला कदाचित आजही घाम फुटत असावा.

अभिषेक व ऐश्वर्या एकमेकांच्या प्रेमात होते. अमिताभ व जया बच्चन यांची संमती मिळाली आणि दोघांच्या लग्नाचा दिवस उजाडला.

20 एप्रिल 2007 मध्ये बच्चन कुटुंबीयांच्या 'प्रतिक्षा' बंगल्यावर या दोघांचा विवाहसोहळा पार पडला. पण या लग्नाच्या आदल्या रात्री एक अशी घटना घडली ज्यामुळे संपूर्ण बच्चन कुटुंबाची झोप उडाली होती.

होय, एकीकडे ऐश्वर्या आणि अभिषेकच्या लग्नाची तयारी सुरू असतानाच बच्चन कुटुंबायांच्या घरासमोर घडलेल्या एका घटनेनं सगळीकडे खळबळ उडाली होती.

१९ एप्रिलच्या त्या रात्री एक मॉडेलनं प्रतिक्षा बंगल्याबाहेर जोरदार राडा केला होता. तिचं नाव होतं जान्हवी.

मी अभिषेकची पत्नी आहे, त्याने माझ्याशी लग्न केलंय, असं म्हणत तिने पुरता गोंधळ घातला होता. इतकंच नाही तर आपल्या हाताची नस कापून घेत आत्महत्या करण्याचा प्रयत्न केला होता.

एकीकडे ऐश्वर्या आणि अभिषेकच्या लग्नाची तयारी सुरू होती आणि घरासमोर घडलेल्या एका घटनेनं सगळीकडे खळबळ उडाली होती. बच्चन कुटुंबाचंही टेन्शन वाढलं होतं.

'दस' या सिनेमाच्या शूटिंगदरम्यान माझ्यात व अभिषेकमध्ये जवळीक वाढली. त्याने माझ्याशी लग्न केलं, असा दावा करणाऱ्या या मॉडेलनं अभिषेकवर अनेक गंभीर आरोप केले होते.

मॉडेल जान्हवीने अभिषेकसोबत 'दस बहाने' या गाण्यात काम केलं होतं. अभिषेकशी लग्न केल्याचे पुरावे मागितल्यावर ‘प्यार को किसी सबूत की जरूरत नहीं होती’ असं फिल्मी उत्तर तिने दिलं होतं.

आपली कोणीही दखल घेत नसल्याचं पाहून जान्हवी पोलिस ठाण्यात पोहोचली. पण तिथे तिच अडकली. पोलिसांनी आत्महत्येचा प्रयत्न केल्याच्या आरोपाखाली तिला तुरुंगात डांबलं.

हे प्रकरण कसंबसं निस्तरलं. अभिषेकला पती म्हणणारी ती मॉडेल सध्या कुठे आहे, काय करतेय, ते ठाऊक नाही. पण अभिषेकसह अख्ख्या कुटुंबाला तिने चांगलाच घाम फोडला होता, हे मात्र नक्की.