पॉपस्टार बिओन्सीच्या 'त्या' फोटोला 6.33 मिलियन लाईक्स !

अमेरिकेतील पॉपस्टार बिओन्सी हिने आई होणार असल्याची बातमी सोशल मीडियात शेअर केल्यानंतर तिच्यावर शुभेच्छांचा वर्षाव होत आहे. तसेच तिच्या 'त्या' फोटोला अनेक लाईक्स मिळत आहेत.

ऑनलाइन लोकमत
मुंबई, दि. 03 - अमेरिकेतील पॉपस्टार बिओन्सी हिने आई होणार असल्याची बातमी सोशल मीडियात शेअर केल्यानंतर तिच्यावर शुभेच्छांचा वर्षाव होत आहे. तसेच तिच्या 'त्या' फोटोला अनेक लाईक्स मिळत आहेत.

35 वर्षीय बिओन्सीने तिचा बेबी बम्प असलेला फोटो इन्टाग्रामवर अपलोड करत सर्वांना आई होणार असल्याची खूशखबर दिली आहे. तिने अपलोड केलेल्या फोटोला आतापर्यंत 6.33 मिलियन नेटिझन्सनी लाईक्स केले आहे. तर 3,34,000 हून अधिक जणांनी तिच्या या फोटोवर प्रतिक्रिया दिल्या आहेत. यामध्ये तिच्या चाहत्यांसह अनेकांनी तिला शुभेच्छा दिल्या आहेत.

बिओन्सीने आमच्या कुटुंबात आणखी दोघांचं आगमन होणार असल्याने आम्ही खूप आनंदीत आहोत. आपण दिलेल्या शुभेच्छाबद्दल मन:पूर्वक धन्यवाद, असे म्हणत इन्टाग्रामवर हा फोटो अपलोड केला. त्यावेळी या फोटोला अवघ्या एका तासात 2.43 मिलियन लाईक्स मिळाले आणि 1,66,000 प्रतिक्रिया आल्या.

दरम्यान, गेल्यावर्षी म्हणजेच 2016 मध्ये इन्टाग्रामवर जगातील सर्वाधिक जास्त फॉलोअर्स असलेली पॉपस्टार सेलेना गोमेझ हिच्या फोटोला सुद्धा बिओन्सीने मागे टाकले आहे. सेलेना गोमेझने कोल्ड ड्रिंक पित असलेला तिचा फोटो इन्टाग्रामवर अपलोड केला होता. या फोटोला 6.3 मिलियन इतके लाईक्स मिळाले होते.