प्राजक्ता देणार प्लेझंट सरप्राइज

मालिका संपल्यानंतर सर्व मराठी अभिनेत्रींना क्रेझ आहे, ती व्यावसायिक रंगभूमीची. तेजश्री प्रधान, शशांक केतकर, ललित प्रभाकर, सुयश टिळक, सुरूची आडारकर यांच्यापाठोपाठ आता प्राजक्ता माळीदेखील व्यावसायिक रंगभूमीवर येण्यासाठी सज्ज झाली आहे. ती आपल्या चाहत्यांना ‘प्लेझंट सरप्राइज’ या नाटकातून एक प्रकारचे सरप्राइजच देणार आहे. हे प्राजक्ताचे पहिले व्यावसायिक नाटक आहे. यापूर्वी प्राजक्ताची नुकतीच ‘जुळून येतील रेशीमगाठी’ ही मालिका संपली आहे. आता यानंतर ती रंगभूमीकडे वळली आहे. तिचे ‘प्लेझंट सरप्राइज’ हे नाटक प्रेम या विषयावर आधारित आहे. यामध्ये प्रेमाचे वेगवेगळे पैलू या नाटकात पाहायला मिळणार आहे. हे नाटकाचे लेखन व दिग्दर्शन प्रताप फड यांनी केले आहे, तर या नाटकाचे निर्माते संदेश भट आहेत. या नाटकात तिच्यासोबत सौरभ गोखले, मयुरी देशमुख, समीर खांडेकर
इ. कलाकारांचा समावेश आहे. नाटकाची निर्मिती सुयोग नाट्यसंस्थेकडून करण्यात आली आहे. चला, तर पाहू यात प्राजक्ता माळीचं हे प्लेझंट सरप्राइज तिच्या चाहत्यांना आवडते का?