प्रार्थना बेहरे करतेय परदेशात एन्जॉय!, लंडनच्या रस्त्यावर फेरफटका मारतानाचा व्हिडीओ अभिनेत्रीने केला शेअर
By ऑनलाइन लोकमत | Published: May 16, 2022 04:51 PM2022-05-16T16:51:39+5:302022-05-16T16:52:54+5:30
Prarthana Behere: प्रार्थना बेहरे सध्या लंडनमध्ये नवऱ्यासोबत व्हॅकेशन एन्जॉय करते आहे.
प्रार्थना बेहरे करतेय परदेशात एन्जॉय!, लंडनच्या रस्त्यावर फेरफटका मारतानाचा व्हिडीओ अभिनेत्रीने केला शेअर
Next अभिनेत्री प्रार्थना बेहरे(Prarthana Behere)ने आपल्या अभिनय कौशल्याच्या जोरावर रसिकांच्या मनावर अधिराज्य गाजवले आहे. सध्या ती झी मराठी वाहिनीवरील 'माझी तुझी रेशीमगाठ' (Mazi Tuzi Reshimgath) मालिकेत काम करताना दिसते आहे. या मालिकेत तिने नेहाची भूमिका बजावली आहे. तिच्या भूमिकेला प्रेक्षकांची खूप पसंती मिळताना दिसते. मालिकेत ऑफिसच्या कामासाठी नेहा लंडनला गेली आहे, असे दाखवण्यात आले आहे. मात्र नेहा म्हणजेच अभिनेत्री प्रार्थना बेहरे खरोखरच लंडनमध्ये गेली आहे. पण मालिकेच्या शूटिंगसाठी नाही तर ती तिची बेस्ट फ्रेंड सोनाली कुलकर्णी(Sonalee Kulkarni)च्या लग्नासाठी गेली होती. तिच्यासोबत तिचा नवरा अभिषेक जावकर आहे. प्रार्थना बेहरेने लंडनमध्ये फेरफटका मारतानाचे व्हिडीओ इंस्टाग्रामवर शेअर केला आहे. या व्हिडीओला चाहत्यांची पसंती मिळते आहे.
प्रार्थना बेहरे सोशल मीडियावर सक्रीय असून ती या माध्यमातून चाहत्यांशी संवाद साधत असते आणि चाहत्यांना अपडेट देत असते. तिने लंडनमध्ये फेरफटका मारतानाचे व्हिडीओ इंस्टाग्रामवर शेअर केले आहेत. या व्हिडीओत ती लंडनमधील वेगवेगळ्या ठिकाणी फिरताना आणि रेस्टॉरंटमध्ये, शॉपिंग करताना दिसते आहे. तिच्या या व्हिडीओला चाहत्यांची खूप पसंती मिळताना दिसते आहे.
प्रार्थना मराठी सिनेइंडस्ट्रीतील लोकप्रिय अभिनेत्री आहे. यापूर्वी तिने अनेक गाजलेल्या चित्रपट आणि हिंदी मालिकांमध्ये काम केले आहे. टेलिव्हिजनवरून प्रार्थनाने तिच्या करिअरची सुरुवात केली आहे.
तिचा नवरा अभिषेक जावकरचादेखील सिनेइंडस्ट्रीशी संबंध आहे. तो लेखक, दिग्दर्शक, निर्माता आहे. अभिषेकने काही तेलगू चित्रपटांचे वितरण केले आहे. मूळ 'सिंघम' चित्रपटाची निर्मितीही अभिषेकनेच केली आहे. जवळपास पाच वर्षांपूर्वीच त्याने रेड बल्ब स्टुडिओज नावाची स्वतःची निर्मितीसंस्था सुरु केली.