लंडन कॉलिंग! 'चला हवा येऊ द्या' फेम 'या' कलाकारासोबत प्रार्थना बेहरे शूटसाठी रवाना

'चला हवा येऊ द्या' फेम तुमच्या लाडक्या कलाकाराला लागली लॉटरी, प्रार्थनासोबत लंडनला निघाला

सध्या मराठी सिनेमांचं लंडनवर जास्त प्रेम आहे. अनेक चित्रपट लंडनला शूट होत आहेत. 'व्हिक्टोरिया','झिम्मा' या सिनेमांनंतर आणखीही अनेक चित्रपटांचं शूट लंडनमध्ये पार पडताना दिसत आहे. त्यातच आता अभिनेत्री प्रार्थना बेहेरे (Prarthana Behere) सुद्धा शूटसाठी लंडनला रवाना झाल्याचं तिच्या पोस्टमधून कळतंय. आणि प्रार्थना सोबत कोण आहे माहितीए का? 'चला हवा येऊ द्या' मधून प्रेक्षकांना खळखळून हसवणारा आपला कुशल बद्रिकेही (Kushal Badrike) लंडनला निघाला आहे. 
 
त्याचं झालं असं की प्रार्थनाने इन्स्टाग्रामवर विमानातील एक फोटो पोस्ट केला. हॅशटॅग शूटलाईफ असं कॅप्शनही तिने दिलं आहे. तर लंडनला पोहोचल्यानंतर माय फेव्हरेट लँड असं लिहित तिने स्टोरी पोस्ट केली आहे. दुसरीकडे कुशलनेही काल इन्स्टाग्रामवर विमानतळावरील फोटो पोस्ट करत लंडनला निघाल्याचं सांगितलं आहे. त्याखाली त्याने प्रार्थनाला पिक्चर क्रेडिट दिलं आहे. यावरुनच समजतंय की दोघेही सोबतच लंडनला रवाना झाले आहेत. 

View this post on Instagram

A post shared by Prarthana 💜 (@prarthana.behere)

कुशल आणि प्रार्थना कोणत्या प्रोजेक्टमध्ये एकत्र दिसणार हे मात्र अजुनही गुलदस्त्यातच आहे. हा सिनेमा असणार की वेबसिरीज ते देखील स्पष्ट नाहीए. मात्र आता चाहत्यांना दोघांच्या या नव्या प्रोजेक्टची उत्सुकता लागली आहे.