प्रियंका चोप्राची लेक मालती मेरी शिकतेय बेली डान्स, अभिनेत्रीने दाखवली झलक

Priyanka Chopra's daughter Malti Marie Chopra Jonas: अभिनेत्री प्रियंका चोप्रा जोनासने तिची लाडकी लेक मालती मेरी बेली डान्स शिकतानाची झलक दाखवली आहे.

ग्लोबल स्टार प्रियंका चोप्रा जोनास(Priyanka Chopra Jonas)ने तिची लाडकी लेक मालती मेरी(Malti Marie Chopra Jonas)ची पुन्हा एकदा क्युट झलक शेअर केली आहे. प्रियंकाने इंस्टाग्राम स्टोरीवर मालतीच्या बेली डान्स क्लासचा फोटो शेअर केला आहे. या फोटोत मालती डान्स क्लासमध्ये आपल्या छोट्या छोट्या मैत्रिणींसोबत दिसत आहे. प्रियंकाने फोटो शेअर करत कॅप्शनमध्ये लिहिले की, माझी छोटी बॅलेरिना. हा फोटो सोशल मीडियावर व्हायरल होताना दिसत आहे आणि क्युट मालतीचा डान्स पाहण्यासाठी चाहते उत्सुक आहेत.

अभिनेत्री प्रियंका चोप्रा नेहमीच तिच्या आयुष्याशी संबंधीत गोष्टी शेअर करत असते. ऑक्टोबरमध्ये तिने मालतीचा क्युट फोटो शेअर केला होते. फोटोत छोटी मालती आपल्या आई वडील प्रियंका आणि निक जोनाससोबत क्वॉलिटी टाइम व्यतित करताना दिसली होती. तिने दिवाळी सेलिब्रेशनचीही झलक दाखवली होती. ज्यात ती आपल्या फ्रेंड्ससोबत मस्ती करताना दिसली होती.

मागील महिन्यात प्रियंकाने लंडनमध्ये व्यतित केलेल्या क्षणांची झलक शेअर केली होती. ज्यात मालतीच्या क्युट क्लीपसोबत फोटो आणि व्हिडीओ शेअर केले आहेत. प्रियंकाने एक व्हिडीओदेखील प्रसारीत केला होता. व्हिडीओत मालती वडील निक जोनाससोबत बातचीत करताना दिसत आहे. प्रियंकाने लिहिले की, जेव्हा ती हिंदीत नाही नाही म्हणते तेव्हा तिचा आवाज खूप क्युट वाटतो. ही पोस्ट चाहत्यांना खूप भावली. कमेंटमध्ये एका युजरने म्हटले की, मालतीचा आवाज खूप गोड आहे. दुसऱ्या युजरने लिहिले की, आमच्या देसी गर्लचं छोटं व्हर्जन. या पोस्टमध्ये प्रियंकाचा सेल्फी आणि मित्रांसोबतचा फोटो आहे.

वर्कफ्रंट
वर्कफ्रंटबद्दल सांगायचं तर प्रियंका चोप्रा लवकरच 'सिटाडेल'च्या दुसऱ्या सीझनमध्ये दिसणार आहे, जिथे ती सहकलाकार रिचर्ड मॅडनसह स्पेशल एजंट नादिया सिंगच्या भूमिकेत दिसणार आहे. याशिवाय प्रियांकाकडे जॉन सीना आणि इद्रिस एल्बा यांच्यासोबत 'हेड्स ऑफ स्टेट', फ्रँक ई. फ्लॉवर्स दिग्दर्शित 'द ब्लफ' आणि फरहान अख्तरचा रोड ट्रिप चित्रपट 'जी ले जरा' यासह अनेक प्रोजेक्ट पाइपलाइनमध्ये आहेत.