‘मिमी’चा First Look लूक पाहून चाहतेही पडले बुचकळ्यात,क्रिती सॅननच्या फोटोला मिळते प्रचंड पसंती

क्रिती सॅनन 'मिमी' सिनेमात अतिशय आव्हानात्मक भूमिकेत झळकणार आहे. या सिनेमात ती सरोगेट आईच्या भूमिकेत दिसणार आहे.

क्रिती सॅनन सोशल मीडियाच्या माध्यमातून चाहत्यांशी संवाद साधत असते. त्यांच्या संपर्कांत राहण्यासाठी फोटो व्हिडीओ शेअर करत असते. चाहत्यांचे लक्ष वेधून घेण्यासाठी तिने एक व्हिडिओ शेअर केला आहे. शेअर केलेल्या व्हिडीओमध्ये ती बेबी बंप फ्लॉन्ट करताना दिसत आहे. व्हिडिओ शेअर करत तिने समर्पक असे कॅप्शनही दिले आहे. क्रितीचा बेबी बंम्प पाहून चाहतेही बुचकळ्यात पडले आहेत. पण हा क्रितीचा आगामी सिनेमा आहे. मिमीमधला पहिला लूक प्रदर्शित करण्यात आला आहे. 

सोशल मीडियावर क्रितीने शेअर केलेल्या पोस्टवर अनेक सेलेब्रिटी आणि त्यांचे फॅन्स कमेंट करत आहेत. विशेष म्हणजे शेअर केल्यानंतर ही पोस्ट इतकी व्हायरल झाली की, अडीच लाखाहून अधिक लोकांनी ही पोस्टला वाचली असून लाईक्स आणि कमेंट्स करत पंसती दिली आहे. 

क्रिती 'मिमी' सिनेमात अतिशय आव्हानात्मक भूमिकेत झळकणार आहे. या सिनेमात ती सरोगेट आईच्या भूमिकेत दिसणार आहे. एका छोट्याशा खेड्यातली मुलगी अभिनेत्री होण्याचे स्वप्न पाहते असते. मात्र  यादरम्यान ती एका कपलला भेटते आणि सरोगेट आई बनण्याचा निर्णय घेते. या निर्णयानंतर त्याच्या आयुष्यात कोणते घडामोडी घडतात हे सगळं जाणून घेण्यासाठी चाहत्यांनी थोडी वाट पहावी लागणार आहे. 

विशेष म्हणजे या सिनेमासाठी क्रितीने बरीच मेहनत घेतली आहे.  क्रितीने भूमिकेसाठी आपले वजनही वाढवले ​​होते. मिमीसाठी क्रितीने तब्बल 15 किलो वजन वाढवले होते. या सिनेमात पंकज त्रिपाठी, सुप्रिया पाठक आणि सई ताम्हणकर दिसणार आहे.पंकज त्रिपाठी मिमीमध्ये  क्रितीसोबत महत्त्वपूर्ण भूमिका साकारताना दिसणार आहेत. क्रिती आणि पंकज त्रिपाठी या सिनेमाआधी दोघांनी 'लुकाछुप्पी' आणि 'बरेली की बर्फी'मध्ये एकत्र काम केले आहे. या सिनेमाच दिग्दर्शनलक्ष्मण उतेकर यांनीच केले आहे.