आताचे करण-अर्जुन कोण असतील? राकेश रोशनने घेतली 'या' दोन अभिनेत्यांची नावं

करण अर्जुनचा रिमेक किंवा सीक्वेल येणार? राकेश रोशन यांनी स्पष्टच सांगितलं, म्हणाले...

१९९५ साली आलेला करण-अर्जुन (Karan Arjun) सिनेमा आठवत असेलच. शाहरुख सलमानची जोडी या सिनेमात दिसली होती. करण-अर्जुन थिएटरमध्ये रिलीज झाला आणि सिनेमाला प्रेक्षकांनी अक्षरश: डोक्यावर उचलले. आजही हा सिनेमा लागला तरी सर्व आठवणी जाग्या होतात. यातील 'भाग अर्जुन भाग','मेरे करण अर्जुन आएंगे' हे डायलॉग आजही लोकांच्या ओठांवर असतात. राकेश रोशन यांनी सिनेमा दिग्दर्शित केला होता. नुकतंच त्यांना आताच्या अभिनेत्यांना कास्ट करायचं तर करण-अर्जुन कोण असतील असं विचारलं. वाचा ते काय म्हणाले.

शाहरुख, सलमान, राखी, अमरिश पुरी, काजोल, ममता कुलकर्णी यांची मुख्य भूमिका असलेला करण अर्जुन ३० वर्षांनंतर पुन्हा थिएटरमध्ये रिलीज होत आहे. त्यामुळे सिनेमाची पुन्हा एकदा चर्चा सुरु झाली आहे. सलमान खाननेही व्हिडिओ ट्वीट करत करण-अर्जुन आएंगे हे राखी खरं सांगत होती असे गंमतीत म्हटले. नुकतंच राकेश रोशन यांनी ईटाइम्सला दिलेल्या मुलाखतीत मॉडर्न करण अर्जुन कोण असतील याचं उत्तर दिलं. यावेळी त्यांनी हृतिक रोशन आणि रणबीर कपूर यांचं नाव घेतलं. सोबतच करण अर्जुनच्या रिमेकबद्दल ते म्हणाले, "सिनेमाचा रिमेक किंवा सीक्वेल मी कधीच बनवणार नाही. "

२२ नोव्हेंबर रोजी 'करण अर्जुन' सिनेमाला ३० वर्ष पूर्ण होत आहेत. याच निमित्ताने सिनेमा पुन्हा प्रेक्षकांसाठी रिलीज करण्यात येत आहे. चाहतेही यासाठी उत्सुक आहेत. करण-अर्जुन ची क्रेझ ३० वर्षांनंतरही कमी झालेली नसल्याचं पाहायला मिळत आहे.ो