Adil Arrested: “इतक्या जोरात लाथ मारली की...”, राखी सावंतच्या तक्रारीनंतर पती आदिल खान दुर्रानीला अटक 

Rakhi Sawant Husband Adil Khan Durrani Arrested : मंगळवारी दुपारी राखी आदिलला भेटायला त्याच्या घरी गेली. तेव्हाच पोलिसही तिथे पोहोचले आणि त्यांनी आदिलला बेड्या ठोकल्या.

राखी सावंतच्या (Rakhi Sawant) तक्रारीनंतर तिचा पती आदिल खान दुर्रानीला (Adil Khan Durrani ) पोलिसांनी अटक केली आहे. काल सोमवारी (०६ फेब्रुवारी) रोजी रात्री उशीरा राखीने आदिलविरोधात पोलिसात तक्रार दाखल केली होती. मीडिया रिपोर्टनुसार मंगळवारी दुपारी राखी आदिलला भेटायला त्याच्या घरी गेली. तेव्हाच पोलिसही तिथे पोहोचले आणि त्यांनी आदिलला बेड्या ठोकल्या. राखीने पती आदिल खानवर विवाहबाह्य संबंध असल्याचा, मारहाण केल्याचा आरोप केला आहे. राखीच्या तक्रारीनंतर पोलिसांनी तात्काळ कारवाई करत आदिलला अटक केली. 

राखीने आदिलवर अनेक गंभीर आरोप केले आहेत. आदिलचा क्रिमिनल रेकॉर्ड आहे. त्याने मला मारहाण केली, असं राखीने म्हटलं आहे. मीडियासमोर रडत रडत राखीने आपबीती सांगितलं.

View this post on Instagram

A post shared by Instant Bollywood (@instantbollywood)

पोटावर इतक्या जोरात लाथ मारली की...
मीडियासमोर राखीने आदिलवर अनेक गंभीर आरोप केलेत. आदिलने माझ्या पोटावर इतक्या जोरात लाथ मारली की, मला लघूशंका झाली. तो मला सोडून गेला. माझी आई अंतिम क्षण मोजत असताना तो दुसर्या मुलीसोबत मज्जा करत होता. तो घरी आला तेव्हा त्याच्या शरीरावर लव्ह बाइटच्या खुणा होत्या. आदिल, त्याची गर्लफ्रेन्ड तनु यांनी मला वेडं केलं आहे. माझ्या आईच्या मृत्यूसाठी आदिलच जबाबदार आहे. तिला योग्यवेळी उपचार मिळाले असते तर ती आज माझ्यासोबत असती, असं राखी रडत रडत म्हणाली. आदिलने बॉलिवूडमध्ये नाव मिळवण्यासाठी त्याने माझा वापर केला. माझ्याकडचे पैसे आणि सोनेही घेतले, असाही राखीचा आरोप आहे. राखीच्या तक्रारीनंतर आदिलला अटक करण्यात आली आहे.

View this post on Instagram

A post shared by @varindertchawla

गेल्या काही दिवसांपासून राखी सावंत सतत चर्चेत आहे. राखी बिग बॉस मराठी ४ मधून बाहेर पडली आणि अचानक तिच्या लग्नाचे फोटो व्हायरल झालेत. राखी व तिचा बॉयफ्रेन्ड आदिल खान दुर्रानी यांनी निकाह केल्याचं समोर येताच सगळ्यांना आश्चर्याचा धक्का बसला होता. यानंतर मी व आदिलने सात महिन्यांपूर्वीच निकाह केल्याचं राखीने स्पष्ट केलं होतं. या लग्नासाठी धर्मांतर करत आपलं नावही बदलल्याचंही तिने सांगितलं होतं. मात्र  आदिलने राखीबरोबरच्या लग्नाला दुजोरा देण्यास टाळाटाळ करायला सुरूवात केली होती. काही दिवसांनंतर अखेर आदिलही मानला. त्याने लग्न केल्याचं स्वीकारलं. पण आता पुन्हा एकदा राखीचं लग्न धोक्यात आहे. आदिलचे तनु नावाच्या मुलीशी अफेअर असून तो तिच्यासोबत राहत असल्याचा दावा राखीने आता केला आहे. नुकतंच राखीच्या आईचं निधन झालं. आईच्या निधनानंतर राखीच्या संसारात नवं वादळ आलं आहे.