Ranbir Alia Wedding: लग्नानंतर मिस्टर अ‍ॅण्ड मिसेस कपूरचा पोस्ट लूक आला समोर, फोटो होतोय व्हायरल

Ranbir Alia Wedding: रणबीर कपूर(Ranbir Kapoor)सोबत लग्न केल्यानंतर आता आलिया भट (Alia Bhatt) मिसेस कपूर बनली आहे. त्यांच्या लग्नाचे फोटोंची चर्चा होताना दिसत आहे. आता त्यांचा लग्नानंतरचा लूक समोर आला आहे.

अखेर यावर्षीचा बहुप्रतिक्षित विवाहसोहळा पार पडला. १४ एप्रिलला रणबीर कपूर(Ranbir Kapoor)सोबत लग्न केल्यानंतर आलिया भट (Alia Bhatt) आता मिसेस कपूर झाली आहे. दोघांनी पाली हिल्स येथील त्यांच्या घरी कुटुंबीय आणि मित्रांच्या उपस्थितीत सात फेरे घेतले. त्यांच्या लग्नाची सर्व झलक सोशल मीडियावर व्हायरल झाली. यासोबतच चाहत्यांना नवविवाहित जोडप्याची झलकही पाहायला मिळाली. मात्र, आता या जोडप्याच्या चाहत्यांना हे पाहायचे आहे की, लग्नानंतर नवविवाहित वधू कशी दिसत आहे. तर त्यांचा लग्नानंतरचा फोटो देखील समोर आला आहे.

रणबीर कपूर आणि आलिया भट यांच्या लग्नाची जेवढी उत्सुकता होती, तेवढीच त्यांच्या कुटुंबियांनाही या दिवसाची प्रतीक्षा होती. या लग्नात संपूर्ण कपूर कुटुंब खूप एन्जॉय करताना दिसले. कपूर कुटुंबात सर्वांनी आलियाचे मनापासून स्वागत केले. दरम्यान, रणबीरचा चुलत भाऊ आधार जैन याने आपल्या मेव्हण्यासोबतचा एक फोटो शेअर करून आनंद व्यक्त केला आहे. या फोटोमधून रणबीर आलियाचा लग्नानंतरचा लूक पाहायला मिळत आहे.

फोटोत रणबीर आणि आधार जैन पांढऱ्या कुर्त्यात दिसत आहेत, तर आलिया लाल रंगाच्या एथनिक पोशाखात दिसत आहे. लग्नानंतर लगेचच कपूर कुटुंबातील आफ्टर पार्टी दरम्यान ही झलक पाहायला मिळाली. यामध्ये रणबीर आलिया नवरा-बायकोच्या रुपात खूप आनंदी दिसत आहे. तिच्या या फोटोला सोशल मीडियावर चाहत्यांची चांगलीच पसंती मिळत आहे.