'जग्गा जासूस'मधील रणबीर कपूरचा नवा फोटो रिलीज

रॉकस्टार रणबीर कपूरचा आगामी सिनेमा 'जग्गा जासूस'मधील एक नवा फोटो रिलीज करण्यात आला आहे. रणबीरचा हा फोटो पाहिल्यानंतर त्याच्या चाहत्यांमध्ये सिनेमाबाबत उत्सुकता आणखी ताणली जाण्याची शक्यता आहे.

ऑनलाइन लोकमत

मुंबई, दि. 16 -  रॉकस्टार रणबीर कपूरचा आगामी सिनेमा 'जग्गा जासूस'मधील एक नवा फोटो रिलीज करण्यात आला आहे. रणबीरचा हा फोटो पाहिल्यानंतर त्याच्या चाहत्यांमध्ये सिनेमाबाबत उत्सुकता आणखी ताणली जाण्याची शक्यता आहे. या सिनेमामध्ये रणबीर कपूरची मुख्य भूमिका असून त्याचसंदर्भातील हा फोटो सिनेमाचे निर्माता यूटीवी मोशन पिक्चर्सने रिलीज केला आहे. 

 

रिलीज करण्यात आलेल्या फोटोमध्ये रणबीर शाळा-कॉलेजमधील एका मुलाप्रमाणे दिसत असून तो टेबलवर चढून डान्स करत आहे. फोटोच्या बॅकग्राऊंडमध्ये मुलांच्या हॉस्टेलमधील कॅटीन दिसत आहे. सिनेमाचे शुटिंग दार्जिलिंग आणि मोरक्कोमध्ये करण्यात आले आहे. 

 

'जग्गा जासूस सिनेमा रिलीज होण्याची मी आतुरतेने वाट पाहत आहे, हा सिनेमा माझ्यासाठी खूप खास, वेगळा आणि खूप कठीण होता', असे रणबीर म्हटले आहे. मिळालेल्या माहितीनुसार, अनुराग बसू दिग्दर्शित या सिनेमामध्ये रणबीर कपूर एका अशा तरुणाच्या भूमिकेत दिसणार आहे, जो आपल्या हरवलेल्या वडिलांचा शोध घेत आहे. 

 

Presenting an exclusive still from the sets of #JaggaJasoos shot on children's day.#RanbirKapoor#KatrinaKaif@basuanurag@ipritamofficialpic.twitter.com/K72Wm6gvPp— UTV Motion Pictures (@utvfilms) 15 November 2016