रणदीप हुड्डा, ऐश्वर्या रायच्या बहुचर्चित 'सरबजीत' चित्रपटाचा ट्रेलर लाँच

By Admin | Published: April 14, 2016 03:34 PM2016-04-14T15:34:54+5:302016-04-14T15:35:15+5:30

पाकिस्तानच्या तुरुंगात अनेक वर्षे खितपत पडलेल्या सरबजित सिंग यांच्या जीवनावर आधारित 'सरबजीत' या बहुचर्चित चित्रपटाचा ट्रेलर लाँच करण्यात आला आहे.

Randeep Hooda launches Aishwarya Rai's 'Sarabjit' trailer | रणदीप हुड्डा, ऐश्वर्या रायच्या बहुचर्चित 'सरबजीत' चित्रपटाचा ट्रेलर लाँच

रणदीप हुड्डा, ऐश्वर्या रायच्या बहुचर्चित 'सरबजीत' चित्रपटाचा ट्रेलर लाँच

googlenewsNext
style="text-align: justify;">ऑनलाइन लोकमत
मुंबई, दि. १४ - पाकिस्तानच्या तुरुंगात अनेक वर्षे खितपत पडलेल्या सरबजित सिंग यांच्या जीवनावर आधारित ' सरबजीत' या बहुचर्चित चित्रपटाचा ट्रेलर लाँच करण्यात आला असून त्यामध्ये रणदीप हुडा, ऐश्वर्या राय-बच्चन व रिचा चढ्ढा या तिघांची प्रमुख भूमिका आहे. 'मेरी कोम' या चित्रपटाचे दिग्दर्शक ओमंग कुमार यांनीच 'सरबजीत'चे दिग्दर्शन केले असून चित्रपटात रणदीप व ऐश्वर्याचा दमदार अभिनय पहायला मिळणार आहे. 
चित्रपटाचा हा ट्रेलर बराच गाजत असून अनेकांनी चित्रपटाची खूप प्रशंसाही केली आहे. ट्विटरवरही 'सरबजीत' ट्रेंडिगमध्ये दिसत आहे.
सरबजीत यांची मुख्य भूमिका अभिनेता रणदीप हुड्डाने साकारली असून त्याने या चित्रपटासाठी कठोर मेहनत घेतली असून त्याने अवघ्या २८ दिवसांत १८ किलो वजन कमी केले. तर गुणवान व सौंदर्यवती अभिनेत्री ऐश्वर्या राय-बच्चनने सरबजीत यांची बहीण दलबीर कौर यांची भूमिका साकारणार आहे.
सरबजीत सिंग यांनी चुकून सीमा ओलांडून पाकिस्तानात प्रवेश केला होता. तिथे त्यांना अटक करण्यात आली होती. त्यांना सोडवण्यासाठी त्यांच्या कुटुंबीयांनी खुप प्रयत्न केले मात्र त्यांना यश मिळाले नाही. अखेर काही वर्षांपूर्वी त्यांचा कारागृहातच मृत्यू झाला.
येत्या २० मे रोजी हा चित्रपट प्रदर्शित होणार आहे.