'रंग माझा वेगळा' फेम अभिनेत्याने शेअर केला लग्नाचा अल्बम, बायकोसोबतच्या रोमँटिक फोटोंनी वेधलं लक्ष

सध्या सिनेविश्वात लगीनघाई सुरू आहे. काही सेलिब्रिटींनी लग्नाच्या बेडीत अडकून नवीन आयुष्याला सुरुवात केली आहे.

'रंग माझा वेगळा' फेम अभिनेता निखिल राजेशिर्केने १७ नोव्हेंबरला लग्नगाठ बांधली. कुटुंबीय आणि मित्रपरिवाराच्या उपस्थितीत त्याने सात फेरे घेतले.

लग्नानंतर निखिलने आता त्याच्या लग्नाचा अल्बम शेअर केला आहे. निखिलने त्याच्या पत्नीबरोबरचे फोटो इन्स्टाग्रामवर शेअर केले आहेत.

निखिलने लग्नासाठी पारंपरिक पोशाख केला होता. तर रिसेप्शनला त्याने काळ्या रंगाचा ब्लेझर घातला होता.

निखिलच्या आयुष्यातील हे सुंदर आणि मौल्यवान क्षण कॅमेऱ्यात कैद झाले आहेत.

लग्नातील पत्नीसोबतच्या रोमँटिक फोटोंनी लक्ष वेधून घेतलं आहे. त्याच्या फोटोंवर कमेंट करत चाहत्यांनी त्याला शुभेच्छा दिल्या आहेत.

निखिलने 'छोटी मालकीण', 'रंग माझा वेगळा', 'असेही एकदा व्हावे', 'अजूनही बरसात आहे', 'माझी तुझी रेशीमगाठ' या मालिकांमध्ये काम केलं आहे.

त्याने 'बिग बॉस मराठी'मध्ये सहभाग घेतला होता. निखिलने अनेक सिनेमांतही काम केलं आहे.