Box Office Collection : ‘जयेशभाई’ फुस्स, ‘धर्मवीर’ जोरदार; पाहा, बॉक्स ऑफिसवरची कमाई

Box Office Collection : होय, बॉलिवूडचा सुपरस्टार रणवीर सिंगचा ‘जयेशभाई जोरदार’ हा चित्रपट बॉक्स ऑफिसवर ‘फुस्स’ झाला. याऊलट ‘धर्मवीर- मुक्काम पोस्ट ठाणे’ या मराठी सिनेमानं जोरदार गर्दी खेचतोय.

Box Office Collection : बॉलिवूडच्या सिनेमाला मराठी सिनेमा टक्कर देतोय, असं चित्र अभावानेच दिसतं. सध्या मात्र तेच घडतंय. होय, बॉलिवूडचा सुपरस्टार रणवीर सिंगचा (Ranveer Singh) ‘जयेशभाई जोरदार’ हा चित्रपट बॉक्स ऑफिसवर ‘फुस्स’ झाला. याऊलट ‘धर्मवीर- मुक्काम पोस्ट ठाणे’ (Dharmaveer) या मराठी सिनेमानं जोरदार गर्दी खेचतोय. ‘जयेशभाई जोरदार’चा बजेट ‘धर्मवीर’पेक्षा कितीतरी अधिक आहे. अशात बजेटचा विचार करता कमाईच्या बाबतीत ‘धर्मवीर’ चित्रपटानं अभिनेता रणवीर सिंगच्या ‘जयेशभाई जोरादार’ ( Jayeshbhai Jordaar ) चित्रपटालाही मागे टाकलं आहे.

#Marathi film #Dharmaveer goes from strength to strength with each passing day... The day-wise growth is absolutely fantastic... Fri 2.05 cr, Sat 3.17 cr, Sun 3.86 cr. Total: ₹ 9.08 cr. pic.twitter.com/v8HBKesErX

— taran adarsh (@taran_adarsh) May 16, 2022

‘धर्मवीर’ या चित्रपटाची सध्या जोरदार चर्चा आहे. शिवसेनेचे दिवंगत नेते आनंद दिघे यांच्या आयुष्यावर बेतलेला हा चित्रपट गेल्या 13 मे रोजी प्रदर्शित झाला. पहिल्याच दिवशी या चित्रपटाने 2.5 कोटींची दमदार कमाई करत, सगळ्यांना थक्क केलं. महाराष्ट्रभर 400 स्क्रिनवर प्रदर्शित झालेल्या या चित्रपटाने दुसऱ्या दिवशी म्हणजे शनिवारी 3.17 कोटींचा गल्ला जमवला आणि तिसऱ्या दिवशी रविवारी 3.86 कोटींचा बिझनेस केला. तीनच दिवसांत या चित्रपटाने 9.08 कोटींची कमाई केली.

#JayeshbhaiJordaar struggles in its opening weekend... The much-needed jump on Day 2 and 3 was missing... The going seems tough on weekdays, looking at the trending... Fri 3.25 cr, Sat 4 cr, Sun 4.75 cr. Total: ₹ 12 cr. #India biz. pic.twitter.com/zkfijEdxLb

— taran adarsh (@taran_adarsh) May 16, 2022

जयेशभाईनं तीन दिवसांत कमावले इतके कोटी
रणवीरच्या ‘जयेशभाई जोरदार’ या चित्रपटाकडून सर्वांनाच अपेक्षा होती. अलीकडे शाहिद कपूरचा ‘जर्सी’ आला, तो आपटला. पाठोपाठ टायगर श्रॉफचा ‘हिरोपंती 2’ या चित्रपटानंही प्रेक्षकांची निराशा केली. अगदी अजय देवगणचा ‘रनवे34’ हाही तितकाच दणकून आपटला. अशात रणवीरचा ‘जयेशभाई जोरदार’ कमाल दाखवेल, असं वाटतं असताना हा चित्रपटही फेल ठरला. ‘जयेशभाई जोरदार’नं पहिल्या दिवशी 3.25 कोटी, दुसऱ्या दिवशी 4  कोटी आणि तिसऱ्या दिवशी 4.74 कोटींची कमाई केली. बजेटचा विचार करता ही कमाई काहीच नाही. त्या तुलनेत ‘धर्मवीर’ चित्रपटानं लक्षवेधी कमाई केली आहे. 

बजेटचा विचार करता ‘धर्मवीर’ चित्रपटानं बॉक्स ऑफिसवर रणवीर सिंगच्या ‘जयेशभाई जोरदार’ या चित्रपटालाही मागे टाकलं आहे, असं म्हणायला हरकत नाही.