अली लार्टरसाठी ‘रेसिडेंट ईव्हिल’ आहे कौटुंबिक अनुभव

साय-फाय अ‍ॅक्शन थ्रीलर चित्रपटांच्या चाहत्यांसाठी ‘रेसिडेंट एव्हिल’ हे नाव चिरपरिचित आहे. या सुपरहिट फ्रँचाईजीमधील शेवटचा चित्रपट ‘रेसिडेंट एव्हिल : द फायनल चॅप्टर’ प्रदर्शनासाठी सज्ज झाला आहे. मिला योवोव्हिच स्टारर या सिनेमात अली लार्टरसुद्धा महत्त्वाच्या भूमिकेत आहे. ‘अलाइस’ ची सहकारी ‘क्लेर रेडफिल्ड’ च्या रूपात ती पुन्हा एकदा दिसणार आहे. शेवटच्या सिनेमात काम करण्याविषयी ती सांगते की, ‘गेल्या १० वर्षांपासून मी या सिरीजचा भाग आहे. त्यामुळे माझ्या आयुष्यातील अनेक आठवणी सिनेमाशी संबंधित आहे. या काळादरम्यान अनेक महत्त्वाच्या गोष्टी घडल्या. ठराविक साच्यापेक्षा वेगळी मांडणी यामध्ये पाहायला मिळते. अत्यंत चांगल्या प्रकारे ‘रेसिडेंट एव्हिल’चा प्रवास पूर्णविराम घेतोय असे तिला वाटते. ती म्हणते, ‘या चित्रपटात काम करणे म्हणजे माझ्यासाठी कौटुंबिक अनुभव आहे. दिग्दर्शक पॉल अँडरसन आणि मिला पती-पत्नीच असल्यामुळे सेटवरील संपूर्ण वातावरणच घरगुती असल्यासारखे होते.’ येत्या ३ फेब्रुवारी रोजी हा चित्रपट प्रदर्शित होत आहे.