मोहीम फत्ते! 'सुभेदार'ची कोंढाण्यावर पताका; अभिमान वाटावा अशी तानाजी मालुसरेंची शौर्यगाथा

>>ऋचा वझेराजमाता जिजाऊ आणि छत्रपती शिवाजी महाराज यांनी 'स्वराज्य' हे स्वप्न पाहिलं. रयतेच्या कल्याणासाठी आणि लेकीबाळींच्या सुरक्षेसाठी मुघलांच्या जाचातून सुटका होणं गरजेचंच होतं. स्वप्नपूर्तीच्या या प्रवासात राजांना अनेक सवंगड्यांची मोलाची साथ मिळाली. त्यापैकीच एक नरवीर तानाजी मालुसरे. शिवराय अष्टकातील पाचवे पुष्प 'सुभेदार' (Subhedar) हा दिग्पाल लांजेकर (Digpal Lanjekar) लिखित, दिग्दर्शित सिनेमा २५ ऑगस्टला प्रदर्शित होत आहे. कथानकछत्रपती शिवाजी महाराज यांची शौर्यगाथा सांगताना नरवीर तानाजी मालुसरेंशिवाय कथा पूर्ण होऊच शकत नाही. शिवबांना तानाजी मालुसरे नक्की भेटले कसे इथपासून कहाणी सुरू होते. तानाजी मालुसरेंचे मामा 'शेलार मामा' हे भाच्याची शिवबांशी भेट घडवून आणतात. धिप्पाड अस्वलाशी दोन हात करणाऱ्या तानाजींना पाहून शिवबा प्रभावित होतात. महाराजांचा विश्वास संपादन केल्यानंतर तानाजींना 'सुभेदार' हे पद मिळतं. तर दुसरीकडे कोंढाणा किल्ल्यावर मुघलांचं राज्य असल्याचं पाहून राजमाता जिजाऊ अस्वस्थ होतात. एक महिन्याच्या आत कोंढाणा किल्ला जिंकणार असं शिवाजी महाराज जिजाऊंना वचन देतात. यासाठी तानाजी मालुसरे यांना रायगडावर येण्याचा निरोप धाडला जातो. मात्र, तेव्हा कळतं की तानाजींच्या मुलाचं - रायबाचं लग्न आहे. अशावेळी तानाजींवर ही जबाबदारी देणं शिवबांना योग्य वाटत नाही आणि ते स्वत: मोहिमेवर जायचं ठरवतात. मात्र, हे तानाजींना समजताच ते महाराजांना 'कोंढाण्याचं पान म्याच उचलणार असं आश्वासन देतात. 'आधी लगीन कोंढाण्याचं मंग रायबाचं'. तिकडे उदयभान १५०० सैनिक, १५५ तोफा, १५०० तलवारी घेऊन सज्ज असतो तर इकडे तानाजी केवळ ५०० मावळे हवेत असं सांगून योजना आखतात. अखेर तो क्षण येतो. सुभेदार तानाजी मालुसरे यांच्या नेतृत्वाखाली सूर्याजी, बहिर्जी नाईक, शेलार मामा ५०० मावळ्यांना घेऊन मोहिमेला निघतात. घोरपडे बंधूंच्या मदतीने मागच्या बाजूने किल्ला सर केला जातो आणि दुश्मनांवर आक्रमण केलं जातं. तानाजी आणि उदयभान शेवटी समोरासमोर येतात. तेव्हा शिवबांना दिलेला शब्द पाळण्यासाठी त्यांची असलेली जिद्द आणि पराक्रम बघण्यासारखाच आहे.लेखन-दिग्दर्शनइतिहास मांडत असताना तो फक्त भव्यदिव्य न दाखवता प्रेक्षकांच्या काळजालाही भिडला पाहिजे, याची काळजी दिग्दर्शकाने घेतली आहे. सिनेमाचा पूर्वार्ध कथेच्या संकलनाच्या दृष्टीने काहीसा कंटाळवाणा वाटतो. मात्र उत्तरार्धात ती सर्व कसर भरून निघते. मध्यंतरानंतरचा भाग प्रेक्षकांचं लक्ष जराही विचलित होऊ देत नाही आणि अखेरपर्यंत खिळवून ठेवण्यात यशस्वी होतो. सिनेमॅटोग्राफीत दिग्पालने पहिल्यांदाच 'पारकोर' या खेळाच्या प्रकाराचा प्रयत्न केला आहे जो यशस्वी झालाय. बहिर्जी नाईक आणि उदयभान यांच्यात झालेल्या झटापटीवरुन ते लक्षात येईल. संवादफेक याहून धारदार करता आली असती, मात्र कलाकारांच्या उत्कृष्ट अभिनयामुळे त्याकडे दुर्लक्ष करणे शक्य होते. 'आले मराठे... ' हे दिग्पालनेच लिहिलेलं गाणं चांगलं झालं आहे. दिग्दर्शनाच्या दृष्टीने हिंदीत आलेल्या 'तानाजी' सिनेमापेक्षा 'सुभेदार' नक्कीच आपलं वेगळेपण दाखवतो.अभिनयकलाकारांचा अभिनय सिनेमाची जमेची बाजू आहे. राजमाता जिजाऊंच्या भूमिकेत अभिनेत्री मृणाल कुलकर्णीने अतिशय कणखर भूमिका साकारली आहे. चिन्मय मांडलेकरने छत्रपतींचा अगदी साधा, सरळ अभिनय करत कुठेही मोठेपणाचा आव आणलेला नाही. उदयभानाचा वध करणाऱ्या तानाजी मालुसरेंची ताकद ती काय असेल हे अजय पुरकरने विलक्षणरित्या दाखवून दिलंय. यासाठी त्याने शरीरयष्टीवर घेतलेली मेहनत स्पष्ट दिसते. तर समीर धर्माधिकारीने शेलार मामाची भूमिका उत्तम निभावली आहे. तानाजींच्या पत्नीची सावित्रीची भूमिका साकारणारी अभिनेत्री स्मिता शेवाळे प्रत्येक सीनमध्ये उठून दिसली आहे. याशिवाय आस्ताद काळे आणि मृण्मयी देशपांडे यांचा अभिनयही कौतुकास्पद आहे. अभिनेत्री अलका कुबल यांचीही या सिनेमातून शिवराय अष्टकाच्या सीरिजमध्ये एंट्री झाली आहे. दिग्पाल लांजेकरने स्वत: बहिर्जी नाईक साकारले आहेत. दिग्दर्शनासोबतच त्यांचा अभिनयही वाखणण्याजोगा आहे.सकारात्मक बाजू : अभिनय, सिनेमॅटोग्राफी, गाणी नकारात्मक बाजू : पूर्वार्धात सिनेमाची हळूवार गती थोडक्यात : शिवराय अष्टकातील 'सुभेदार' हे पाचवा सिनेमा मोठ्या पडद्यावर नक्कीच बघण्यासारखा आहे. उत्तरार्धात क्षणोक्षणी डोळे पाणावतात. दिग्पालने पुन्हा एकदा त्याच्या नजरेतून आणखी एका योद्ध्याची कथा उत्तमरित्या दाखवली आहे.

सलमान खान

'पुष्पा २' बद्दल अपडेट्स

ए.आर.रहमान घटस्फोट

'भूल भूलैय्या ३'ची चर्चा

Bollywood

Marathi Cinema

Television

Web Series

South Movies

Reviews

Hollywood

Photos

Videos

Filmy Stories

फिल्मी :Raghuveer Movie Review : मन:शक्ती ओळखण्याची दृष्टी देणाऱ्या रामदास स्वामींची कथा

फिल्मी :मानमोड्या भूताचा थरार आणि 'स्त्री'चा नवा अवतार, कसा आहे 'स्त्री २'? वाचा Review

राजकुमार राव - श्रद्धा कपूर यांची भूमिका असलेला स्त्री २ रिलीज झालाय. सिनेमा पाहायला जाण्याआधी वाचा हा Review (stree 2) ...

फिल्मी :मुखवटे आणि चेहऱ्यांची पोलखोल! कसा आहे अक्षय कुमार आणि तापसी पन्नूचा 'खेल खेल में', वाचा रिव्ह्यू

फिल्मी :रहस्यमय कथानकासह परतली 'दिलरुबा', वाचा कसा आहे तापसी पन्नूचा सिनेमा

फिल्मी :ज्ञान-विज्ञानाचा एके ठायी मेळ! कसा आहे अशोक सराफ-माधव अभ्यंकर यांचा 'लाईफलाईन' सिनेमा?

अशोक सराफ - माधव अभ्यंकर यांची प्रमुख भूमिका असलेला लाईफलाईन सिनेमा आज रिलीज झालाय. वाचा review (lifeline) ...

फिल्मी :गणेशोत्सव म्हणजे परंपरा आणि जबाबदारीचे भान, कसा आहे 'घरत गणपती' सिनेमा?

भूषण प्रधान-निकिता दत्ताची प्रमुख भूमिका असलेला 'घरत गणपती' सिनेमा कसा आहे? वाचा Review (gharat ganpati) ...

फिल्मी :'मार्व्हल्स'च्या बुडत्या नौकेचा तारणहार! कसा आहे 'डेडपूल अँड वॉलवरीन'? वाचा Review

फिल्मी :नव दाम्पत्यांसाठी बालसंगोपनाचा 'मूल'मंत्र, कसा आहे निपुण-वैदेहीचा 'एक दोन तीन चार' सिनेमा? वाचा Review

निपुण धर्माधिकारी-वैदेही परशुरामी यांचा 'एक दोन तीन चार' सिनेमा कसा आहे? वाचा review ...

फिल्मी :भरकटलेली कथा बघून तुम्हीच म्हणाल 'तौबा तौबा'! विकी-तृप्तीचा 'बॅड न्यूज' कसा आहे? वाचा Review

विकी कौशल-तृप्ती डिमरीची प्रमुख भूमिका असलेला 'बॅड न्यूज' थिएटरमध्ये बघायचा प्लॅन करताय? त्याआधी वाचा review (Bad Newz) ...

फिल्मी :सातच्या आत घरात, नाहीतर 'ककुदा' अंगात! कसा आहे रितेश-सोनाक्षीचा 'ककूदा' सिनेमा?

रितेश देशमुख-सोनाक्षी सिन्हाचा आगामी ककूदा सिनेमा कसा आहे. वाचा review (kakuda) ...