'रॉकी और रानी की प्रेम कहानी' फेम अंजली आनंद झळकणार 'रात जवां है' सीरिजमध्ये
By ऑनलाइन लोकमत | Published: September 17, 2024 05:02 PM2024-09-17T17:02:04+5:302024-09-17T17:02:50+5:30
Anjali Anand : 'रॉकी और रानी की प्रेम कहानी' सिनेमात रणवीर सिंग आणि आलिया भटसोबत झळकलेली अंजली आनंद लवकरच एका वेबसीरिजमध्ये झळकणार आहे.
'रॉकी और रानी की प्रेम कहानी' फेम अंजली आनंद झळकणार 'रात जवां है' सीरिजमध्ये
'रॉकी और रानी की प्रेम कहानी' सिनेमात रणवीर सिंग आणि आलिया भटसोबत झळकलेली अंजली आनंद (Anjali Anand) लवकरच एका वेबसीरिजमध्ये झळकणार आहे. ती 'रात जवां है' या वेबसीरिजमध्ये दिसणार आहे. यात अंजली आनंद सिरीजमध्‍ये राधिकाची भूमिका साकारत आहेत. राधिकाचा प्रवास ताकद, असुरक्षितता आणि लुप्‍त भावनिक संघर्षांनी भरलेला आहे.
अंजली आनंदने उत्तमपणे ही गुंतागुंतीची भूमिका साकारली आहे, जेथे त्‍यांनी स्वत:च्‍या अनुभवांचा उपयोग करत राधिकाची कथा आपलीशी व नवीन करण्‍याचा प्रयत्‍न केला आहे. याबद्दल ती सांगते की, “राधिका माझ्यासारखी नाही, पण तिचे दिसणारे पैलू आत्‍मसात करण्‍याची माझी महत्त्वाकांक्षा आहे. तिची भूमिका साकारताना मला स्वत:ची वेगळी बाजू दाखवण्‍याची आणि अशा शक्तिशाली, स्‍वावलंबी महिलेकडून शिकण्‍याची संधी मिळाली. मी तिचा आत्‍मविश्‍वास आणि स्‍पष्‍टपणे मत व्‍यक्‍त करण्‍याच्‍या तिच्‍या क्षमतेचे कौतुक करते. माझी वास्‍तविक जीवनात निश्चितच ‘राधिका'सारखी बनण्‍याची महत्त्वाकांक्षा आहे. तसेच सेटवरील सकारात्‍मक वातावरण आणि सर्वांच्‍या अविश्‍वसनीय पाठिंब्‍यामुळे ही भूमिका प्रभावीपणे साकारता आली. हा संस्‍मरणीय अनुभव राहिला आहे.''
तीन व्यक्तीवर आधारीत सीरिज
‘रात जवां है' सीरिजमध्ये राधिका, अविनाश (बरूण सोबतीने साकारलेली भूमिका) आणि सुमन (प्रिया बापटने साकारलेली भूमिका) यांच्‍या जीवनाच्‍या अवतीभोवती फिरते, जेथे ते त्‍यांची वैयक्तिक ओळख व मैत्री कायम ठेवण्‍यासोबत पालकत्‍वाच्‍या जबाबदाऱ्या पार पाडण्‍याचा प्रयत्‍न करतात. या सिरीजमध्‍ये, राधिका ही गुंतागुंतीची भूमिका म्‍हणून दाखवण्‍यात आली आहे. स्वत:मध्‍ये त्रुटी आणि आत्‍मविश्‍वासाची कमतरता असताना देखील ती सर्वांना आधार देते, ज्‍यामुळे तिन्‍ही मित्रांमधील मैत्री कायम घट्ट राहते.
यामिनी पिक्‍चर्स प्रा. लि.द्वारे निर्मित सिरीज ‘राज जवां है'चे लेखन व निर्मिती ख्‍याती आनंद - पुथरन यांनी केले आहे आणि अत्‍यंत प्रतिभावान सुमीत व्‍यास यांनी दिग्‍दर्शन केले आहे. तसेच या सिरीजचे निर्माते विकी विजय आहेत. या कॉमेडी-ड्रामामध्‍ये प्रतिभावान स्‍टार कलाकार आहेत. ‘रात जवां है' सिरीज ११ ऑक्‍टोबरपासून फक्‍त सोनी लिव्‍हवर पाहायला मिळेल.