Ronit Roy : रोनित रॉयला होती हॉलिवूडची ऑफर, करण जोहरमुळे नाकारला सिनेमा; काय आहे नेमके कारण?

रोनित रॉयने टीव्ही, बॉलिवूडमध्ये नशीब आजमावलेच मात्र त्याला हॉलिवूडचीही ऑफर होती.

Ronit Roy : 'कसौटी जिंदगी की' मालिकेतून लोकप्रिय झालेला अभिनेता 'रोनित रॉय' याने अनेक चित्रपटातही भूमिका केल्या आहेत. हृतिक रोशनच्या 'काबिल' सिनेमातही त्याने साकारलेल्या खलनायकाची भूमिका प्रेक्षकांच्या पसंतीस पडली. रोनित रॉयने टीव्ही, बॉलिवूडमध्ये नशीब आजमावलेच मात्र त्याला चक्क हॉलिवूडचीही ऑफर होती. करण जोहरमुळे त्याला ही ऑफर नाकारावी लागल्याचा खुलासा त्याने केला आहे.

रोनित रॉय कार्तिक आर्यनच्या (Kartik Aryan) 'शेहजादा' (Shehzada) या सिनेमात दिसणार आहे. शेहजादाचे कलाकार 'द कपिल शर्मा शो' मध्ये प्रमोशनसाठी आले असता रोनित रॉयने करण जोहरच्या टीमवर थेट आरोप केला. रोनित म्हणाला, 'झीरो डार्क थर्टी' या चित्रपटात रोनितला महत्वाची भूमिका ऑफर करण्यात आली होती. ऑडिशन न देताच माझी निवड झाली होती. मात्र तेव्हाच मी करण जोहरच्या 'स्टुडंट ऑफ द इयर'या सिनेमात काम करणार होतो. काही कारणाने सिनेमाचे शूट लांबणीवर पडले. 'झीरो डार्क थर्टी' मध्ये काम करणं सुवर्णसंधीपेक्षा कमी नव्हतं. म्हणून मी याबाबत करणच्या टीमला विचारलं. मात्र करणच्या टीमकडून परवानगी मिळाली नाही आणि प्रोजेक्टला नकार कळवावा लागला.

Aaj raat 9:30 baje, #SonyEntertainmentTelevision par #TheKapilSharmaShow mein, Kappu ki shararton se pareshaan Bindu kar ne wali hai, team #Shehzaada se Kappu ki shikaayat!🤭 @KapilSharmaK9@sumona24#TKSSpic.twitter.com/xOdGzHxw5D

— sonytv (@SonyTV) February 5, 2023

इतकं करुनही 'स्टुडंट ऑफ द इयर' चे शूट वेळेत सुरु झालेच नाही असंही रोनितने यावेळी सांगितलं. 'झीरो डार्क थर्टी' सिनेमा आतंकवादी ओसामा बिन लादेनच्या हत्येच्या मोहिमेवर बेतला होता. सिनेमाला अनेक ऑस्कर पुरस्कारही मिळाले.