"द कपिल शर्मा शो"ला रिप्लेस करणार सलमान खान ?

ऑनलाइन लोकमत

मुंबई, दि. 27 - दिवसेंदिवस घसरत्या टीआरपीचा "द कपिल शर्मा शो"ला फटका बसण्याची शक्यता वर्तवली जात आहे. हा शो लवकरच बंद होणार असून त्याजागी सलमान खानच्या "दस का दम" या शोचं नवं सत्र सुरू होणार असल्याचं वृत्त आहे. यापूर्वी सलमानने "दस का दम"चे दोन सिझन होस्ट केलेले आहेत.

 

सलमान खानची चॅनलसोबत सध्या चर्चा सुरू आहे. चर्चा यशस्वी ठरल्यास जुलै महिन्यात "दस का दम"चा तिसरा सिझन सुरू होऊ शकतो. मात्र, याबाबत अधिकृत माहिती देण्यात आलेली नाही 2008 आणि 2009 मध्ये सलमानने या रियालिटी शोचे दोन सिझन टेलिकास्ट झाले आहेत.

 

100 एपिसोड पूर्ण केलेल्या "द कपिल शर्मा शो"चा टीआरपी दिवसेंदिवस कमी होत आहे.  मे महिन्यात कपिलचा चॅनलबरोबर करार संपत आहे. चॅनल पुन्हा करार करण्याच्या तयारीत नसल्याची माहिती मिळत आहे.  नंबर एक आणि दोनवर असणारा हा शो सध्या टॉप 10 शोच्या यादीतूनही बाहेर फेकला गेला आहे.   सुनील ग्रोवर, चंदन प्रभाकर आणि अली असगर ने कपिलचा शो सोडल्यापासून या शोचा टीआरपी घसरत चालला आहे. यापुर्वी जर कपिलने सुनील आणि अलीला परत आणले नाही तर त्याचा शो बंद करण्याचा इशारा चॅनलकडून कपिलला देण्यात आला होता व त्यांना परत आणण्यासाठी कपिलला 1 महिन्याचा वेळ देण्यात आला होता अशा बातम्याही आल्या होत्या.