Marathi Actress In Bollywood Movie : करण-अर्जुनमध्ये झळकलीये ही मराठमोळी अभिनेत्री; आता ओळखणंही आहे कठीण

सिनेविश्वात 'करण अर्जुन' (Karan-Arjun) हा असा चित्रपट आहे ज्याचे संवाद आजही अनेकांच्या लक्षात आहेत.

Marathi Actress In Bollywood Movie Karan Arjun: सिनेविश्वात 'करण अर्जुन' (Karan-Arjun) हा असा चित्रपट आहे ज्याचे संवाद आजही अनेकांच्या लक्षात आहेत. अनेकदा त्यातले संवाद आपल्या तोंडातून आपसूकही निघतात. या चित्रपटातील सलमान आणि शाहरुख खान यांच्या चाहत्यांनी तर प्रेक्षकांच्या मनात घरच केलं होतं. या चित्रपटात शाहरुख खान (Shah Rukh Khan) आणि सलमान खान (Salman Khan) व्यतिरिक्त काजोल (Kajol) आणि ममता कुलकर्णी (Mamata Kulkarni) यांनीदेखील अभिनय साकारला होता. या चित्रपटातील सर्वच कलाकारांच्या उत्कृष्ट अभिनयामुळे चित्रपट ब्लॉकबस्टर ठरला. हा चित्रपट प्रदर्शित होऊन २५ वर्षे पूर्ण झाली आहेत आणि एवढ्या वर्षांत स्टार्सचा लूक पूर्णपणे बदलला आहे. 

तुम्ही शाहरुख, सलमान आणि काजोल यांना आजही मोठ्या किंवा छोट्या पडद्यावर पाहतच असाल. परंतु ममता कुलकर्णी बऱ्याच दिवसांपासून पडद्यापासून दूर आहे. ममता कुलकर्णीचे काही नवे फोटोस सध्या सोशल मीडियावर व्हायरल होत आहेत. हे फोटो पाहून चाहत्यांना ती सलमानसोबत चित्रटता झळकलेलीच ममता कुलकर्णी आहे का असा प्रश्न चाहत्यांना पडत आहे. ममता कुलकर्णीचा लूक इतक्या वर्षांमध्ये पूर्णपणेच बदललेला आहे.

अनेक चित्रपटांत काम
ममता कुरकर्णीनं एकट्या दुकट्या नाही, तर अनेक चित्रपटांमध्ये अभिनय साकारला होता. आपल्या अभिनयाशिवाय आपल्या फॅशन आणि लुक्सबाबतही ती लाईमलाईटमध्ये असायची. वर्कफ्रन्टबाबत सांगायचं तर ती चायना गेट, अहंकार, तिरंगा, अशांत या सारख्या अनेक चित्रपटांत झळकली होती.