भाईजानची चाहत्यांना ईदी! सलमान खानच्या नव्या सिनेमाची शानदार घोषणा, या तारखेला होणार रिलीज

सलमान खानने आज ईदचं औचित्य साधून त्याच्या नवीन सिनेमाची घोषणा केलीय. या सिनेमाबद्दल सविस्तर जाणून घ्या (salman khan, sikandar)

सलमान खान आणि ईद हे समीकरण ठरलेलं. गेल्या अनेक वर्षांपासून भाईजान ईदच्या दिवशी त्याचे सिनेमे रिलीज करतोय. यंदा मात्र भाईजानचा एकही सिनेमा ईदच्या दिवशी रिलीज होत नाहीय. पण सलमानने मात्र ईदच्या दिवशी चाहत्यांना निराश केलं नाही. सोशल मीडियावर सलमानने त्याच्या आगामी सिनेमाची शानदार घोषणा केलीय. त्यामुळे आजच्या खास दिवशी सलमानने त्याच्या चाहत्यांना ईदी दिली आहे असं म्हणता येईल.

सलमानच्या आगामी सिनेमाचं नाव आहे 'सिकंदर'. 'हॉलिडे' फेम दिग्दर्शक ए.आर.मुरगदास या सिनेमाचं दिग्दर्शन करणार आहे. 'सिकंदर' सिनेमात सलमान प्रमुख भूमिका साकारणार आहे. या सिनेमाची कथा काय आणि या सिनेमात सलमानसोबत आणखी कोणते कलाकार झळकणार हे अद्याप गुलदस्त्यात आहे.  सलमान खानचा हा नवीन सिनेमा पुढील वर्षी २०२५ च्या ईदमध्ये रिलीज होणार आहे.

Iss Eid ‘Bade Miyan Chote Miyan’ aur ‘Maidaan’ ko dekho aur agli Eid Sikandar se aa kar milo…. Wish u all Eid Mubarak!#SajidNadiadwala Presents #Sikandar
Directed by @ARMurugadoss@NGEMovies@WardaNadiadwala#SikandarEid2025pic.twitter.com/5NIYdjPP9P

— Salman Khan (@BeingSalmanKhan) April 11, 2024

प्रसिद्ध निर्माते साजिद नाडियादवाला यांनी या सिनेमाची निर्मिती केली. या सिनेमाचं पोस्टर  शेअर करताना सलमान लिहितो, "यावर्षी ईदमध्ये बडे मिया छोटे मिया आणि मैदान बघा. आणि पुढच्या वर्षी ईदमध्ये सिकंदरला भेटा." अशी पोस्ट लिहून सलमानने सर्वांना ईदच्या खास शुभेच्छा दिल्या आहेत. आता 'सिकंदर' किती गाजणार हे पुढील काही दिवसांमध्ये कळून येईलच.