'तुझ्यामुळे इंडस्ट्री बदनाम होतीये'; शाहिदच्या 'त्या' वक्तव्यानंतर भाईजानने घेतली शाळा

Salman khan: मध्यंतरी 'दस का दम' या कार्यक्रमात शाहिद कपूरने हजेरी लावली होती. यावेळी सलमानने त्याची चांगलीच फिरकी घेतली.

दर्जेदार सिनेमांमुळे चर्चेत येणारा सलमान खान (salman khan) गेल्या काही दिवसांपासून त्याच्या टीव्ही रिअॅलिटी शोमुळे चर्चेत येत आहे. आतापर्यंत सलमानने अनेक टीव्ही शोसाठी काम केलं आहे. यात त्याच्या काही कार्यक्रमांमध्ये कलाविश्वातील काही प्रसिद्ध कलाकारांनी हजेरीदेखील लावली आहे. विशेष म्हणजे कलाविश्वातील सेलिब्रिटी या शोंमध्ये सहभागी झाल्यानंतर सलमान त्यांची मस्करी करताना किंवा त्यांच्या वैयक्तिक जीवनाविषयी जाणून घ्यायचा प्रयत्न करत असतो.  मध्यंतरी 'दस का दम' या त्याच्या कार्यक्रमात शाहिद कपूरने (shahid kapoor) हजेरी लावली होती. यावेळी सलमानने त्याची चांगलीच फिरकी घेतली. इतकंच नाही तर तुझ्यामुळे इंडस्ट्रीचं नाव खराब होतंय, असा तो म्हणाला.

सध्या सोशल मीडियावर 'दस का दम' या कार्यक्रमाचा एक व्हिडीओ व्हायरल होत आहे. हा व्हिडीओ २००९ चा आहे. या व्हिडीओमध्ये शाहिद आणि राणी मुखर्जी त्यांच्या 'दिल बोले हडिप्पा' या सिनेमाचं प्रमोशन करण्यासाठी आल्याचं पाहायला मिळत आहे. यावेळी सलमानने शाहिदची फिरकी घेतली.

Salman khan pulling Shahid Kapoor and Rani Mukerji’s leg 😅😂
by u/paulakim1998 in BollyBlindsNGossip

'एकाच व्यक्तीसोबत आयुष्य घालवण्यापेक्षा प्रत्येक सिनेमासोबत पार्टनर चेंज करावा असं प्रत्येक कलाकाराला वाटतं, असं किती टक्के भारतीयांना वाटत असेल?' असा प्रश्न सलमानने शाहिद-राणीला विचारला. त्यावर 'यात जास्तच्या दिशेने कौल जातो', असं शाहिद म्हणाला. त्यावर सलमान त्याला विचारतो, 'तुला काय वाटतं, प्रत्येक सिनेमानुसार पार्टन चेंज केला पाहिजे का?' यावर,' हे खरं नाहीये, पण विचार करायला हरकत सुद्धा नाही', असं उत्तर शाहिदने दिलं. 

दरम्यान, शाहिदचं उत्तर ऐकल्यावर, 'माझ्यासोबत तर असं कधी झालं नाहीये. पण, तुझ्यामुळे कलाविश्वाचं नाव खराब होतंय', असं म्हणत सलमानने शाहिदची खिल्ली उडवली. या दोघांच्या मस्करीचा हा व्हिडीओ सध्या सोशल मीडियावर कमालीचा व्हायरल होत आहे. अलिकडेच सलमानचा किसी का भाई किसी की जान हा सिनेमा प्रदर्शित झाला.