शाईचे बोट दाखव म्हणताच सलमान खानची अशी होती प्रतिक्रिया, पाहा व्हिडीओ

सलमान खानचा मतदान केल्यानंतरचा व्हिडीओ सोशल मीडियावर व्हायरल

बॉलिवूडचा भाईजान सलमान खान सध्या चर्चेत आहे. नुकतंच बुधवारी राज्यातील विधानसभा निवडणुकीसाठी त्याने मतदान केलं. सलमानने कडेकोट बंदोबस्तात मतदानाचा हक्क बजावला आहे. सलमान खानचे मतदान केंद्रावरील व्हिडीओ सोशल मीडियावर व्हायरल होताना दिसत आहेत. अशातच सध्या एका व्हिडीओ सर्वांचं लक्ष वेधून घेतलं आहे. 

सलमान खान हा कडेकोट बंदोबस्तामध्ये मुंबईतील माउंट मेरी मतदान केंद्रावर कडेकोट बंदोबस्तात पोहचला होता. यावेळी मतदान केल्यानंतर परत जाताना पापाराझींनी त्याला शाई लावलेले बोट दाखविण्यासाठी सांगितले. त्यावेळी सलमानने हसत हसत बोट न दाखवता दोन्ही हात दाखवले. त्याचा हा व्हिडीओ सध्या सोशल मीडियावर व्हायरल होताना दिसत आहे.  

सलमानसह इतर बॉलिवूड कलाकारांनी आपला मतदानाचा हक्क बजावला. यात अभिनेता शाहरुख खान आणि त्याचे कुटुंब, अक्षय कुमार, फरहान अख्तर, श्रद्धा कपूर, कार्तिक आर्यन,  रवीना टंडन आणि तिची लेक राशा, प्रेम चोप्रा यांनी आपला मतदानाचा हक्क बजावला आहे.

सलमानच्या वर्कफ्रंटबद्दल बोलायचं झालं तर तो लवकरच 'सिकंदर' सिनेमातून प्रेक्षकांच्या भेटीला येणार आहे. या सिनेमात त्याच्यासोबत अभिनेत्री रश्मिका मंदाना झळकणार आहे.  'सिकंदर' सिनेमाच्या घोषणेपासूनच सर्वांना सिनेमाची उत्सुकता आहे. पुढील वर्षी २०२५ च्या ईदमध्ये हा सिनेमा रिलीज होणार आहे. २०२३ मध्ये रिलीज झालेल्या 'टायगर ३' सिनेमानंतर सलमान खान नुकताच 'सिंघम अगेन'मध्ये कॅमिओ करताना दिसला.