रिलीज आधीच कोट्यवधी रुपयांना विकले गेले शाहरुख खानच्या 'डंकी'चे राईट्स, या OTT प्लॅटफॉर्मवर होणार प्रदर्शित

जवानच्या यशानंतर चाहते शाहरुख खान(Shah Rukh Khan)च्या डंकी या चित्रपटाची आतुरतेने वाट पाहत आहेत.

 जवान(Jawan Movie)च्या यशानंतर चाहते शाहरुख खान(Shah Rukh Khan)च्या डंकी (Dunki Movie) या चित्रपटाची आतुरतेने वाट पाहत आहेत. ७ सप्टेंबरला रिलीज झालेला शाहरुख खानचा 'जवान' चित्रपट बॉक्स ऑफिसवर जबरदस्त कमाई करत आहे. या चित्रपटाने भारतीय बॉक्स ऑफिसवर आतापर्यंत ४३० कोटींची कमाई केली आहे. त्यामुळे जागतिक स्तरावर या चित्रपटाने ८५८ कोटी रुपयांची कमाई केली आहे. आता ख्रिसमसला शाहरुख खान 'डंकी'सोबत रुपेरी पडद्यावर येणार आहे. या चित्रपटाचे दिग्दर्शन राजकुमार हिरानी यांनी केले असून त्यामुळे लोकांची उत्सुकता आणखीनच वाढली आहे. चित्रपटाच्या रिलीज आधी OTT राईट्स विकले गेल्याची बातमी समोर आली आहे. 

शाहरुख खानच्या डंकीचे ओटीटी हक्क विकले गेले आहेत. रिलीजपूर्वीच या चित्रपटाने कोट्यवधींची कमाई केली आहे. डंकीमध्ये शाहरुख खान आणि तापसी पन्नूची जोडी चाहत्यांना पाहायला मिळणार आहे. 

शाहरुख खानचा डंकी नेटफ्लिक्सवर प्रदर्शित होणार नाही. इंडिया टुडेच्या रिपोर्टनुसार, डंकीचे ओटीटी राईट्स  जिओ सिनेमाने विकत घेतले आहेत. रिपोर्टनुसार, ही डील 155 कोटी रुपयांमध्ये झाली आहे. म्हणजेच या चित्रपटाने रिलीजपूर्वीच 155 कोटींची कमाई केली आहे. मीडिया रिपोर्टनुसार डिजिटल आणि सॅटेलाइट दोन्ही राईट्स 230 कोटी रुपयांना विकले गेले आहेत. मात्र, त्याची अधिकृत माहिती अद्याप देण्यात आलेली नाही.

या तारखेला 'डंकी' होणार प्रदर्शित
 शाहरुख खान आणि तापसी पन्नू स्टारर चित्रपट 'डंकी' २२ डिसेंबरला बॉक्स ऑफिसवर दाखल होणार आहे. या चित्रपटाचे दिग्दर्शन राजकुमार हिरानी यांनी केले आहे. या चित्रपटाद्वारे शाहरुख खान २०२३ मध्ये तिसरा चित्रपट देणार आहे. या चित्रपटाची प्रेक्षक आतुरतेने वाट पाहत आहेत. शाहरुख खानचा पहिला चित्रपट म्हणजे 'पठाण' जानेवारीमध्ये रिलीज झाला होता. या चित्रपटात शाहरुख दीपिका पदुकोणवर रोमान्स करताना दिसला होता. यानंतर ७ सप्टेंबरला शाहरुख खान 'जवान'मधून मोठ्या पडद्यावर दिसला.