शाहिद कपूरचे ट्विटर आणि इन्स्टाग्राम अकाऊंट झाले हॅक

शाहिद कपूरचे ट्विटर आणि इन्स्टाग्राम अकाऊंट हॅक करण्यात आलेले आहे. दुपारच्या वेळात त्याचे ट्विटर अकाऊंट हॅक करून त्याच्यावर तुर्किश भाषेतील एक पोस्ट टाकण्यात आली आहे.

शाहिद कपूर आज प्रचंड खूश आहे. कारण त्याच्या आयुष्यात एका छोट्याशा चिमुकल्याचे आगमन झाले आहे. पण नुकतेच त्याचे ट्विटर आणि इन्स्टाग्राम अकाऊंट हॅक करण्यात आलेले आहे. दुपारच्या वेळात त्याचे ट्विटर अकाऊंट हॅक करून त्याच्यावर तुर्किश भाषेतील एक पोस्ट टाकण्यात आली आहे. ही पोस्ट त्याच्या पद्मावत या चित्रपटाशी संबंधीत आहे. यावरून तुर्किशमधील अय्येलडीझ टीमने त्याचे अकाऊंट हॅक करण्यात आले असल्याचे दिसून येत आहे. त्याचे इन्स्टाग्राम अकाउंटदेखील हॅक करत तुर्किशमधील अय्येलडीझ टीमने त्यांचा लोगा तिथे टाकलेला आहे. शाहिदच्या फॅन्सने कमेंट्सद्वारे त्याचे अकाऊंट हॅक झाल्याबद्दल त्याला सांगितले आहे. काहीच महिन्यांपूर्वी या तुर्किशमधील अय्येलडीझ टीमने अभिषेक बच्चन आणि अनुपम खेर यांचे देखील अकाऊंट हॅक केले होते. 

शाहिदची पत्नी मीराने काल रात्री एका गोंडस मुलाला जन्म दिला आहे. प्रसुती वेदना सुरू झाल्यामुळे मीराला काल सायंकाळी ४ वाजता हिंदुजा रुग्णालयात दाखल करण्यात आले होते. शाहिद आणि मीरा यांना याआधीच एक मीशा ही मुलगी आहे.७ जुलै २०१५ रोजी शाहिद व मीराचे लग्न झाले होते. एक वर्षानंतर २६ आॅगस्टला मीशाचा जन्म झाला. 

शाहिद कपूर  सध्या पालकत्वाच्या सुट्टीवर असल्याचे कळतेय. या सुट्टीमुळेच शाहिद कपूरने त्याच्या आगामी चित्रपटाचे चित्रीकरण पुढे ढकलले आहे.

शाहिद कपूर आणि मीरा राजपूत या दोघांचे तसे अरेंज मॅरेज. शाहिद व मीराचे लग्न ठरले आणि अचानक मीरा चर्चेत आली होती. म्हणजे अगदी लग्नाच्या आधीपासूनच मीडियात तिने स्वत:चे एक वेगळे स्थान निर्माण केले. आधी तर मीरा कोण, याबाबत लोकांना उत्सुकता होती. यानंतर तिची एक झलक पाहण्यासाठी लोक उत्सुक होते. यानंतर मीराने मीशा नावाच्या गोंडस मुलीला जन्म दिला. यानंतर मीशा हेच मीराचे जग बनून जाईल, असे वाटले. पण मीरा आपली पर्सनल आणि सोशल लाईफ अगदी वेगवेगळ्या पद्धतीने हँडल करताना दिसतेय.