कोण म्हणतं शाहरूखचं स्टारडम संपलं? ‘पठान’साठी घेतलेलं मानधन वाचून व्हाल अवाक्...!!

Pathaan Starcast Fees: जॉन अब्राहम व दीपिका पादुकोण यांनीही वसूल केली तगडी रक्कम, जाणून घ्या स्टारकास्टची फी

Pathaan Starcast Fees:  बॉलिवूडचा किंगखान शाहरूख खानचा (Shah Rukh khan) ‘पठान’ (Pathaan) हा सिनेमा सध्या चांगलाच चर्चेत आहे. सिनेमा रिलीज व्हायला अद्याप 10 महिन्यांचा अवकाश आहे. पण आत्तापासूनच चाहते क्रेझी झाले आहेत. नुकताच ‘पठान’चा टीझर रिलीज झाला आणि तो पाहून तर चाहत्यांचा उत्साह शिगेला पोहोचला. शाहरूखच्या या सिनेमात जॉन अब्राहम  (John Abraham) आणि दीपिका पादुकोण (Deepika Padukone) यांच्याही महत्त्वपूर्ण भूमिका आहेत. विशेष म्हणजे, यासाठी या स्टार्सनी तगडी फी वसूल केली आहे. होय, सध्या ‘पठान’च्या स्टारकास्टने या चित्रपटासाठी घेतलेल्या मानधनाची चर्चा आहे.

मीडिया रिपोर्टनुसार, या चित्रपटासाठी शाहरूखने तब्बल 85 कोटी वसूल केले आहेत. 2018 नंतर शाहरूख पहिल्यांदा शाहरूख ‘पठान’मध्ये झळकणार आहे. पण किंगखानचा दरारा कमी झालेला नाही, हेच यावरून दिसतंय.

जॉन अब्राहमने सुद्धा या चित्रपटासाठी कोट्यवधी रूपये घेतले आहेत. ‘पठान’साठी जॉनने 25 कोटी फी घेतल्याचं कळतंय. दीपिका पादुकोण ‘पठान’मध्ये धमाकेदार अ‍ॅक्शन करताना दिसणार आणि यासाठी तिने तब्बल 18 कोटी फी घेतली आहे.

बँगबँग व वॉर सारखे सिनेमे दिग्दर्शित करणारे दिग्दर्शक सिद्धार्थ आनंद यांनी या चित्रपटाचं दिग्दर्शन केलं आहे. यासाठी सिद्धार्थ आनंद यांनाही यशराज बॅनरने तगडी फी दिल्याचं कळतंय. अर्थात नेमक्या रकमेचा खुलासा झालेला नाही.

पुढीलवर्षी प्रजासत्ताक दिनाच्या मुहूर्तावर 25 जानेवारी 2023 रोजी ‘पठान’ रिलीज होतोय. हिंदीसोबतच तामिळ आणि तेलगू भाषेतही हा सिनेमा प्रदर्शित होणार आहे. ‘पठान’ची रिलीज डेट आलीये, रिलीजसाठी आणखी 10 महिन्यांचा अवकाश आहे. पण किंगखानच्या या सिनेमाची एक छोटीशी झलक पाहून चाहते जणू सैराट झाले आहेत. सोशल मीडियावर तर जल्लोषाचे वातावरण आहे.  शाहरुखचा 2018 मध्ये ‘झीरो’ हा चित्रपट प्रदर्शित झाला होता. या चित्रपटात तो मुख्य भूमिकेत दिसला होता. पण या चित्रपटाने बॉक्स आॅफिसवर फारशी कमाई केली नाही. त्यानंतर शाहरुखने कोणताही चित्रपट साइन केला नव्हता.