शाल्मली हिंदी मालिकेत

शाल्मली टोळ्येने दुर्वा या मालिकेत नुकतीच एक महत्त्वाची भूमिका साकारली होती. या मालिकेने काही महिन्यांपूर्वी प्रेक्षकांचा निरोप घेतला. शाल्मली आता चुपके चुपके या हिंदी मालिकेत काम करणार असून या मालिकेत तिची महत्त्वाची भूमिका असणार आहे. या मालिकेद्वारे जवळजवळ सहा-सात वर्षांनंतर शाल्मली हिंदी मालिकेत पुनरागमन करत आहे. याविषयी शाल्मली सांगते, एका लग्नाची दुसरी गोष्ट ही मराठी मालिका प्रचंड गाजली होती. या मराठी मालिकेवर आधारित चुपके चुपके ही मालिका असून श्रीरंग गोडबोले यांची ही मालिका आहे. या मालिकेत मी आणि कुणाल पंडित पती-पत्नीच्या भूमिकेत असून आम्ही दोघे लव्ह बर्डस दाखवलेलो आहोत.
मी श्री या मालिकेत काम केल्यानंतर मराठी इंडस्ट्रीत व्यग्र होते. हिंदी मालिका करताना तुम्हाला महिन्यातील 20-25 दिवस द्यावे लागतात. दुर्वा ही मालिका संपल्यानंतर एखाद्या चांगल्या भूमिकेच्या मी शोधात होते. त्याचवेळी मला या मालिकेची आॅफर आल्याने मी ही मालिका स्वीकारली.