"जीभेवर व्हेज, मनात नॉनव्हेज...", अमेय वाघसाठी सिद्धार्थ चांदेकरची खास पोस्ट

सिद्धार्थ चांदेकरने आपल्या खास मित्राला अगदी हटके पद्धतीने शुभेच्छा दिल्या. 

अभिनेता अमेय वाघ याने मराठीबरोबरच हिंदी मनोरंजन सृष्टीत देखील त्याने स्वतःची ओळख निर्माण केली आहे. त्याचा चाहतावर्ग खूप मोठा आहे. बुधवारी अमेय वाघने आपला ३७ वा वाढदिवस  साजरा केला. यावेळी मराठी सिनेसृष्टीतील कलाकार मंडळी आणि चाहत्यांनी त्याच्यावर भरभरून शुभेच्छाचा वर्षाव केला.  सिद्धार्थ चांदेकरनेदेखील आपल्या खास मित्राला अगदी हटके पद्धतीने शुभेच्छा दिल्या. 

सिद्धार्थ चांदेकर यांने सोशल मीडियावर एक पोस्ट शेअर केली. अमेयसोबतचा एक गोड फोटो शेअर करत कॅप्शनमध्ये त्याने लिहलं, "जीभेवर व्हेज, मनात नॉनव्हेज संघटनेचे अध्यक्ष, ओंकार अनंताचे जावई, महागातली कॉपी पिणारे आणि सतत १ ते ३० आकडे मोजायला लावणारे अमेय वाघ…तुम्हाला वाढदिवसाच्या Excuse Me शुभेच्छा". 

अमेय आणि सिद्धार्थच्या वर्कफ्रंटबद्दल बोलायचं झालं तर दोघे लवकरच एकत्र 'फसक्लास दाभाडे' चित्रपटात झळकणार आहेत.  सिद्धार्थ आणि अमेयने बालकलाकार म्हणून त्यांच्या कारकिर्दीला सुरुवात केली होती. छोट्या पडद्यापासून ते मोठा पडदा असा त्यांचा प्रवास राहिला. दोघांनीही मराठी चित्रपटसृष्टीत एकाहून एक हिट चित्रपट दिले आहेत.