लाडक्या बायकोच्या वाढदिवसाला सिद्धार्थ चांदेकरची खास पोस्ट, रोमँटिक फोटो केले शेअर

मितालीचा आज २७ वा वाढदिवस आहे. सिद्धार्थने लाडक्या बायकोसाठी खास पोस्ट केली आहे. 

अभिनेता सिद्धार्थ चांदेकर आणि अभिनेत्री मिताली मयेकर हे मराठी मनोरंजन विश्वातील एक आवडते कपल आहे. सिद्धार्थ आणि मिताली हे दोघेही सोशल मीडियावर प्रचंड प्रमाणात सक्रिय आहेत. दोघांची फॅन फॉलोईंगही प्रचंड आहे. त्यांचे रोमँटिक फोटो नेहमीच चर्चेत येतात. मात्र सध्या त्यांच्या खूपच खास फोटोंनी लक्ष वेधून घेतले. यामागचं कारणही अत्यंत खास आहे. मितालीचा आज २७ वा वाढदिवस आहे. सिद्धार्थने लाडक्या बायकोसाठी खास पोस्ट केली आहे. 

सिद्धार्थने इंस्टाग्रामवर दोघांचे रोमॅंटिक फोटो शेअर केले आहेत. मितालीला वाढदिवसाच्या शुभेच्छा देत सिद्धार्थने लिहिले की, “वाढदिवसाच्या शुभेच्छा बाळा! मला नेहमीच तुझा अभिमान वाटतो. तुझ्यावर माझं खूप प्रेम आहे आणि कायम राहील”. सिद्धार्थने शेअर केलेल्या फोटोंवर चाहते आणि मनोरंजन विश्वातील मित्र-मैत्रिणींनी भरभरुन शुभेच्छा दिल्या आहेत.

 

सिद्धार्थ आणि मितालीने पुण्याच्या ढेपेवाड्यात २०२१ मध्ये लग्न केले. मितालीला प्रेमाने Tiny असं सिद्धार्थ म्हणतो आणि कुंफू पांडा सिनेमातील पांडाप्रमाणे सिद्धार्थ आहे असं मितालीला वाटतं, त्यामुळे त्याला ती Panda म्हणते. टिनी पांडाची ही जोडी सोशल मीडियावर चर्चेत असते. दोघांचे व्हिडीओ ट्रेंड होत असतात.

दोघांच्या वर्कफ्रंटबद्दल बोलायचे झाल तर, सिद्धार्थ चांदेकर लवकरच ‘झिम्मा २’ चित्रपटातून प्रेक्षकांच्या भेटीला येणार आहे. तर स्माईल प्लिज, हॅशटॅग प्रेम, यारी दोस्ती या चित्रपटांमध्ये मितालीनं काम केलं आहे. तर असंभव, भाग्यलक्ष्मी, फ्रेशर्स या मालिकांमधून ती प्रेक्षकांच्या भेटीस आली. मितालीच्या आगामी चित्रपट आणि मालिकांची प्रेक्षक उत्सुकतेने वाट बघत आहेत.