Siddharth Jadhav : 'वाण नाही पण गुण लागला'; रणवीरसारखी अतरंगी पँट घातल्यानं सिद्धार्थ जाधवचे झाले हसू

सिद्धार्थ जाधवने नुकतेच इन्स्टाग्रामवर फोटो अपलोड केले आहेत. ज्यावरुन त्याला प्रचंड ट्रोल केले जात आहे.

Siddharth Jadhav  : बॉलिवुडमध्ये अनोख्या तर कधी विचित्र ड्रेृसिंग स्टाईलसाठी अभिनेता रणवीर सिंग (Ranveer Singh) प्रसिद्ध आहे. तर त्याचाच जिगरी दोस्त म्हणजे आपला सिद्धूही रणवीरच्याच पावलावर पाऊल ठेवत असल्याचं दिसतंय. सिद्धार्थ जाधवने नुकतेच इन्स्टाग्रामवर फोटो अपलोड केले आहेत. ज्यावरुन त्याला प्रचंड ट्रोल केले जात आहे.

लाल जॅकेट आणि गोल्डन रंगाचा जंपसूट आणि मरुन रंगाचे शूज अशा स्टाईलमध्ये सिद्धार्थने फोटो अपलोड केले आहेत. सिद्धार्थ जाधवचे फोटो पाहून चाहते कमेंट बॉक्समध्ये तुटून पडले आहेत. 'भाऊ, रणवीरच्या नादाला लागू नको', 'रणवीर सिंग चावला की काय ', 'वाण नाही पण गुण लागला', 'किती रुपयांचे कपडे आहेत',  अशा कमेंट सिद्धूच्या या फोटोंवर येत आहेत.

रोहित शेट्टीच्या सर्कस (Circus) सिनेमात रणवीर सिंग मुख्य भुमिकेत आहे. तर सिद्धार्थ जाधवनेही सिनेमात विनोदी भुमिका साकारली आहे. दोघांमध्ये असलेली मैत्री सुद्धा जगजाहीर आहे. दादा के जलवे असे म्हणत दोघेही एकमेकांची भेट घेताना दिसतात.