लग्नाला यायचं हं! सोनाक्षी सिन्हाची 'मॅगझीन थीम' लग्न पत्रिका सोशल मीडियावर व्हायरल, तुम्ही पाहिलीत का?

सोनाक्षी सिन्हाची 'मॅगझीन थीम' लग्नपत्रिका सोशल मीडियावर व्हायरल झाली आहे.

बॉलिवूडची 'दबंग गर्ल' सोनाक्षी सिन्हा (Sonakshi Sinha) सध्या तिच्या वैयक्तिक आयुष्यामुळे चर्चेत आली आहे. सोनाक्षीची लगीनघाई सुरू असून ती लवकरच बोहल्यावर चढणार असल्याचं म्हटलं जात आहे. सोनाक्षी ही तिचा बॉयफ्रेंड झहीर इक्बाल (Zaheer Iqbal) यांच्यासोबत लग्न करणार आहे. येत्या २३ जून रोजी दोघंही रजिस्टर मॅरेज करणार आहेत. यानंतर ते रिसेप्शन पार्टी देणार आहेत. यातच दोघांची लग्न पत्रिका सोशल मीडियावर व्हायरल झाली आहे. 

सोनाक्षी व झहीर यांच्या लग्नाची मॅगझीन कव्हरच्या रूपात  बनवण्यात आली आहे. या पत्रिकेवर सोनाक्षी आणि झहीर यांचा एक रोमँटिक फोटो  आहे.  पत्रिकेवर लिहिलंय, 'आम्ही हे ऑफिशिअल करतोय. सगळ्या अफवा खऱ्या आहेत". या पत्रिकेवर लग्नाच्या तारखेपासून ड्रेसकोडपासून सगळी माहिती दिली आहे. यासोबतच एक व्हॉइस नोट आहे.  ही हटके पत्रिका पाहून चाहते क्रेजी झाले आहेत. 

सोनाक्षी व झहीर दीर्घकाळापासून एकमेकांना डेट करत आहेत. सोनाक्षी आणि झहीर दोघांनी कधीच आपलं रिलेशनशिप लपवलं नाही. दोघंही हातात हात घालून फिरताना दिसले आहेत. सोनाक्षी आणि झहीर यांचं लग्न अगदी साध्यापद्धतीने होणार आहे. कुटुंबीय आणि मित्रपरिवार यांच्या उपस्थितीत त्यांचा लग्नसोहळा पार पडणार आहे. जवळचे मित्र आणि कुटुंबातील सदस्यांव्यतिरिक्त 'हीरामंडी'च्या सर्व कलाकारांना लग्नासाठी निमंत्रित करण्यात आलं आहे.

Sonakshi & Zaheer, wedding confirmed on June 23! 💍
byu/FleaBird_ inBollyBlindsNGossip

झहीर इक्बालबद्दल बोलायचं झालं तर तो सोनाक्षीहून एक वर्षाने लहान आहे. त्याचे वडील इक्बाल रत्नासी ज्वेलरी व्यावसायिक आहेत. तसंच सलमानचे खानचे जुने मित्र आहेत. सलमान खाननेच मित्राच्या मुलाला झहीरला बॉलिवूडमध्ये लाँच केले होते. 2019 साली आलेल्या 'नोटबूक' सिनेमातून त्याने पदार्पण केलं होतं. मात्र हा सिनेमा फ्लॉप झाला होता. सलमान खाननेच सोनाक्षी आणि झहीरची भेट घडवून आणली होती. यानंतर त्यांच्यात मैत्री झाली. नंतर ते प्रेमात पडले होते.