Box Office : ‘एक लडकी को देखा तो ऐसा लगा’ने दोन दिवसांत कमावले इतके कोटी!

सोनम कपूर, अनिल कपूर, राजकुमार राव व जुही चावला या कलाकारांच्या अभिनयाने सजलेला ‘एक लडकी को देखा तो ऐसा लगा’ हा चित्रपट रिलीजच्या पहिल्या दिवशी बॉक्स  ऑफिसवर फार कमाल दाखवू शकला नाही.

ठळक मुद्देएक लडकी को देखा तो ऐसा लगा’ हा चित्रपट समलैंगिक नात्यावर आधारित आहे.

सोनम कपूर, अनिल कपूर, राजकुमार राव व जुही चावला या कलाकारांच्या अभिनयाने सजलेला ‘एक लडकी को देखा तो ऐसा लगा’ हा चित्रपट रिलीजच्या पहिल्या दिवशी बॉक्स  ऑफिसवर फार कमाल दाखवू शकला नाही. पहिल्या दिवशी चित्रपटाने केवळ ३ कोटी ३० लाख रूपयांची कमाई केली. म्हणजेच चित्रपटाला फार ओपनिंग मिळू शकले नाही. अर्थात दुस-या दिवशी म्हणजे काल शनिवारी कमाईचा आकडा वाढत ४.६५ कोटींवर पोहोचला. आज रविवारी या कमाईत आणखी वाढ होणे अपेक्षित आहे.

#EkLadkiKoDekhaTohAisaLaga shows an upward trend [at metros specifically], but Day 2 growth should’ve been more since Day 1 was low... Growth on Day 2 [vis-à-vis Day 1]: 40.91%... Day 3 + weekdays crucial... Fri 3.30 cr, Sat 4.65 cr. Total: ₹ 7.95 cr. India biz. #ELKDTAL

— taran adarsh (@taran_adarsh) February 3, 2019

सुमारे १५०० स्क्रिन्सवर रिलीज झालेल्या या चित्रपटाला समीक्षकांनी दाद दिली आहे. एक नवा आणि तितकाच बोल्ड विषय मांडणा-या या चित्रपटाकडून सर्वांनाच अपेक्षा होत्या. पण पहिल्या दिवशीची कमाई बघता, या अपेक्षांवर पाणी फेरले गेले. अर्थात डिजिटल व सॅटेलाईटचे हक्क विकून या चित्रपटाने आधीच २४ ते २५ कोटी कमावले आहेत. त्यामुळे ३५ कोटी रूपयांचा बजेट असलेल्या या चित्रपटाला फार नुकसान सोसावे लागेल, याची शक्यता कमी आहे. मेट्रो सिटीत चित्रपटाला चांगला प्रतिसाद मिळत आहे. पण यादरम्यान ‘एक लडकी को देखा तो ऐसा लगा’ समोर ‘मणिकर्णिका द क्वीन आॅफ झांसी’ आणि ‘उरी- द सर्जिकल स्ट्राईक’ या दोन चित्रपटांचे आव्हान आहे.

‘एक लडकी को देखा तो ऐसा लगा’ हा चित्रपट समलैंगिक नात्यावर आधारित आहे. अनिल कपूर व सोनम कपूर या रिअल बाप-लेकीच्या जोडीने या चित्रपटात प्रथमच एकत्र काम केले आहे. सोनमने यात स्वीटी नामक मुलीची भूमिका साकारली आहे.