-तर हुमा कुरेशीचं मत सोनू सूदच्या पारड्यात; म्हणाली, हाच पंतप्रधान हवा!

कोरोना काळातील सोनू सूदचे काम पाहून सध्या जो तो त्याला पंतप्रधान बनण्याची मागणी करतोय...

ठळक मुद्देहुमा कुरेशीबद्दल सांगायचे तर सध्या ती जाम चर्चेत आहे. होय, अगदी प्रोफेशनल आणि पर्सनल अशा दोन्ही ठिकाणी तिचे कौतुक होतेय.

कोरोना काळातील सोनू सूदचे (Sonu Sood ) काम पाहून सध्या जो तो त्याला पंतप्रधान बनण्याची मागणी करतोय. राखी सावंत तर सतत सोनू पंतप्रधान व्हायला हवा, अशी जाहिर इच्छा व्यक्त करतेय.  अभिनेता वीर दास यानेही सोनू  पंतप्रधान व्हायला हवा, अशी इच्छा व्यक्त केलीये. आता काय तर बॉलिवूड अभिनेत्री हुमा कुरेशी (Huma Qureshi) हिनेही सोनूला पंतप्रधान बनवायला हवे, असे म्हटलेय.
‘बॉलिवूड हंगामा’ला दिलेल्या ताज्या मुलाखतीत हुमा राजकारणावर बोलली. बॉलिवूडमध्ये असा कुठला अभिनेता आहे, ज्याच्यात उत्तम राजकारणी बनण्याचे सर्व गुण आहेत, असा सवाल तिला या मुलाखतीत विचारला गेला. यावर तिने क्षणाचाही विलंब न करता सोनू सूदचे नाव घेतले. (Sonu Sood For Prime Minister)

सोनूने निवडणूक लढवावी, अशी माझी प्रामाणिक इच्छा आहे. तो निवडणुकीत उभा झाला तर माझे मत त्यालाच असेन. तो पंतप्रधान बनावा, असेही मला वाटते. देशाला त्याच्यासारखा पंतप्रधान मिळणार नाही, असेही हुमा म्हणाली.
अर्थात हुमाची ही इच्छा सध्या तरी पूर्ण होण्याची शक्यता नाही. कारण  काही दिवसांपूर्वीच राजकारणात येणार का यावर खुद्द सोनूने नकारार्थी उत्तर दिले होते. ‘जो जहां वहीं सही है, आम इंसान ही बेहतर हूं. आप लोगों के साथ तो खडा हूं...,’असे तो म्हणाला होता.

हुमा कुरेशीबद्दल सांगायचे तर सध्या ती जाम चर्चेत आहे. होय, अगदी प्रोफेशनल आणि पर्सनल अशा दोन्ही ठिकाणी तिचे कौतुक होतेय. एकीकडे हुमाने कोरोना रूग्णांसाठी 100 बेडचे रूग्णालय उभारले. दुसरीकडे तिची ‘महारानी’ही वेबसीरिज चर्चेत आहे.

सोनूला पंतप्रधान बनवायला निघालेली हुमा मुख्यमंत्री बनायलाही तयार नाही...
तू रिअल लाईफमध्ये खरोखर मुख्यमंत्री बनलीस तर काय? असा प्रश्न अलीकडे एका मुलाखतीत हुमारला विचारला गेला होता. यावर ‘मी खरंच मुख्यमंत्री बनले तर याला एक वाईट स्वप्न मानून झोपी जाईल. कारण राजकारण माझ्या समजण्यापलीकडचे आहे. मला यातले काहीही कळत नाही, असे ती म्हणाली होती. ‘महारानी’ या वेबसीरिजच्या पार्श्वभूमीवर ती बोलली होती. हुमाने या वेबसीरिजमध्ये महिला मुख्यमंत्र्याची भूमिका साकारली आहे.
‘गँग आॅफ वासेपूर 2’मधून अभिनेत्री हुमा कुरेशीने बॉलिवूडमध्ये पदार्पण केले.हुमाने आत्तापर्यंत एक थी डायन,लव शव ते चिकन खुराना,बदलापूर2, आणि जॉली एलएलबी2 अशा अनेक चित्रपटात काम केले आहे.

म्हणे, मुख्यमंत्री झाले तर एक वाईट स्वप्न समजून...! हुमा कुरेशी राजकारणावर बोलली...