प्रसिद्ध अभिनेत्याच्या १६ वर्षीय मुलीची गळफास घेत आत्महत्या, डिप्रेशनमध्ये घेतला टोकाचा निर्णय

मीरा १२ वीच्या वर्गात शिकत होती.

प्रसिद्ध दाक्षिणात्य गायक आणि अभिनेता विजय अँटोनीची (Vijay Antony) १६ वर्षीय मुलगी मीराने आज सकाळी गळफास घेत आत्महत्या केली आहे. आज पहाटे तीन वाजता राहत्या घरातच तिने पंख्याला ओढणी बांधून गळफास घेतला. मीरा चेन्नई येथील एका खाजगी शाळेत १२ वीच्या वर्गात शिकत होती. मीराला एक बहिणही आहे. तिचं नाव लारा असं आहे. विजय आणि पत्नी फातिमा सध्या मोठ्या धक्क्यात आहेत.

माध्यम रिपोर्ट्सनुसार, मीरा १२ वीच्या परिक्षांच्या चिंतेत होती. यामुळेच तिने टोकाचं पाऊल उचलल्याचं प्रथमदर्शनी निदर्शनास आलं आहे. पोलिस तपासणीनुसार, पहाटे ३ वाजता मीराने आपल्या बेडरुममध्ये गळफास घेतला. सकाळी विजय तिच्या खोलीत आला असता त्याने तिला पंख्याला लटकलेलं पाहिलं. त्याने लगेच मीराला एका हाऊस स्टाफच्या मदतीने खाली उतरवलं आणि कावेरी रुग्णालयात घेऊन गेला. मात्र मीराचं निधन झालं असल्याचं डॉक्टरांनी सांगितलं.

ही घटना सर्वांसाठीच धक्कादायक आहे. संपूर्ण दाक्षिणात्य सिनेसृष्टीतून शोक व्यक्त केला जात आहे. अनेकांनी विजयला धीर दिला आहे.

Vijay Antony’s elder daughter Meera Meera, died by suicide at her residence in Chennai. She was 16 years old & studying 12th ..

Reason :- She was under pressure & was getting treatment for the same.

— 𝗞𝗼𝗹𝗹𝘆𝘄𝗼𝗼𝗱 𝗧𝗮𝗹𝗸𝘀 (@kollywoodtalks) September 19, 2023

विजय अँटोनी दाक्षिणात्या मनोरंजनसृष्टीतील मोठं नाव आहे. त्याने अनेक तमिळ सिनेमांमध्ये काम केलं आहे. तसंच तो गायक, संगीतकारही, गीतकार,ऑडिओ इंजिनिअर, दिग्दर्शकही आहे. त्याची पत्नी फातिमा अँटोनी प्रोडक्शन हाऊस सांभाळते.