ना शाहरुख ना सलमान ना अल्लू अर्जून... 'हा' अभिनेता बनला भारतातील सर्वात लोकप्रिय स्टार!

शाहरुख खान, सलमान खान आणि अल्लू अर्जुन सारख्या आयकॉनला मागे टाकून हा अभिनेता भारतातील सर्वात लोकप्रिय स्टार बनला आहे. 

अभिनेता प्रभास हा कायमच चर्चेत असतो. प्रभासची सोशल मीडियावर जबरदस्त अशी फॅन फॉलोइंग बघायला मिळते. प्रभासचे एका मागून एक चित्रपट प्रेक्षकांच्या भेटीला येताना दिसत आहेत. आता 'कल्की 2898 एडी' च्या यशानंतर प्रभास हा शाहरुख खान, सलमान खान आणि अल्लू अर्जुन सारख्या आयकॉनला मागे टाकून भारतातील सर्वात लोकप्रिय स्टार बनला आहे. 

बुधवारी Ormax ने त्यांची 'Ormax Stars India Loves: Most Popular Male Film Stars in India (ऑक्टोबर 2024)' यादी जाहीर केली, ज्यामध्ये प्रभासला अव्वल स्थान मिळाले. अभिनेता विजयने दुसरा क्रमांक पटकावला आहे. तर शाहरुख खानने या यादीत तिसरे स्थान पटकावले आहे.ज्युनियर एनटीआर आणि अजित कुमार चौथ्या आणि पाचव्या स्थानावर आहेत. तर अर्जुन या यादीत सहाव्या क्रमांकावर आहे. 

महेश बाबू सातव्या, सूर्य आठव्या आणि राम चरण नवव्या स्थानावर आहेत. 2023 मध्ये 'टायगर 3' नंतर एकही सिनेमा रिलीज न झालेला सलमान खान हा टॉप 10 मध्ये दहाव्या स्थानावर आहे. ही यादी X वर शेअर करण्यात आली असून चाहत्यांनीही त्यावर प्रतिक्रिया दिल्या आहेत. प्रभासला पहिल्या क्रमांकावर पाहून त्याचे चाहते खूश झाले आहेत. 

प्रभासचा 'कल्की 2898 एडी' हा 2024 मध्ये सर्वाधिक कमाई करणारा भारतीय चित्रपट आहे. प्रभास, अमिताभ बच्चन व दीपिका पादुकोण यांच्या मुख्य भूमिका असलेला ‘कल्की 2898 एडी’ हा चित्रपट 27 जून रोजी जगभरातील चित्रपटगृहांमध्ये प्रदर्शित झाला होता. तब्बल 1,200 कोटींची कमाई करत हा चित्रपट सर्वाधिक बॉक्स ऑफिस कलेक्शन करणारा भारतीय सिनेमा ठरला. ही माहिती IMDb ने दिली आहे.