Kalki 2898 AD : प्रभासचा चित्रपट Netflix आणि Prime Video वर होणार प्रदर्शित; पण, कुठे पाहता येणार हिंदी व्हर्जन

Kalki 2898 AD एक नाही तर दोन वेगवेगळ्या ओटीटी प्लॅटफॉर्म्सवर स्ट्रीम होणार आहे. तारीखसुद्धा समोर आली आहे.

Kalki 2898 AD Hindi OTT Release  :    सुपरस्टार प्रभास, अमिताभ बच्चन, व दीपिका पादुकोण  यांचा 2024 मधील ब्लॉकबस्टर सिनेमा Kalki 2898 AD हा 27 जूनला जगभरात रिलीज झाला. या सिनेमाने चित्रपटगृहांमध्ये अक्षरशः धुमाकूळ घातलाय. आता हा सिनेमा ओटीटी गाजवण्यासा येत आहे. ता घरबसल्या बघायला मिळणार आहे. हो तुम्ही बरोबर वाचताय. ''कल्कि 2898 एडी'' लवकरच  Netflix आणि Amazon Prime Video वर रिलीज व्हायला सज्ज झालाय. पण, हिंदी व्हर्जन कोणत्या प्लॅटफॉर्मवर प्रदर्शित होणार हे जाणून घेऊया. 

Kalki 2898 AD ओटीटीवर कधी प्रदर्शित होणार याची तारीख अखेर जाहीर झाली आहे. महत्त्वाचं म्हणजे हा चित्रपट एक नाही तर दोन ओटीटी प्लॅटफॉर्मवर प्रदर्शित केला जाणार आहे. दोन्ही ओटीटी प्लॅटफॉर्मच्या इन्स्टाग्राम अकाउंटवर यासंदर्भात पोस्ट शेअर करण्यात आल्या आहेत. Kalki 2898 AD हा साय-फाय सिनेमा  22 ऑगस्टपासून  Netflix आणि Amazon Prime Video  प्रेक्षकांना पाहता येईल. तामिळ, तेलुगू व कन्नड भाषेतील चित्रपट Amazon Prime Video  उपलब्ध असेल. तर या सिनेमाचं हिंदी व्हर्जन हे Netflix प्रेक्षकांना पाहता येईल. 

Kalki 2898 AD  सिनेमात आधुनिक कथेला पौराणितेची जोड दिल्याने हा सिनेमा लोकांना आवडतोय. सिनेमात महाभारताचा सुरेख संबंध जोडण्यात आलाय. 'अश्वत्थामा' आणि 'श्रीकृष्ण' यांच्यातला भन्नाट संवाद सिनेमात पाहायला मिळतो.  पॅन इंडिया प्रेक्षक समोर ठेवून तयार केलेल्या या चित्रपटात जबरदस्त व्हीएफएक्स, सीजीआय  इफेक्ट्स पाहायला मिळतात.