अरे देवा! जिन्यांवरुन उतरताना पाय घसरून धपकन खाली पडला अन्...; सुप्रसिद्ध अभिनेत्याचा व्हिडिओ व्हायरल

एका सुप्रसिद्ध अभिनेत्याचा व्हिडिओ समोर आला आहे. या व्हिडिओत तो अभिनेता जिन्यांवरुन उतरताना दिसत आहे. पायऱ्यांवरुन उतरताना अचानक पाय घसरून अभिनेता पडतो. 

अनेक सेलिब्रिटींचे व्हिडिओ सोशल मीडियावर व्हायरल होताना दिसतात. कधी जीमबाहेर, कधी एअरपोर्टवर तर कधी हॉटेलबाहेर सेलिब्रिटींना स्पॉट केलं जातं. काही इव्हेंट आणि प्रमोशन दरम्यानचे व्हिडिओदेखील व्हायरल होताना दिसतात. आता अशाच एका सुप्रसिद्ध अभिनेत्याचा व्हिडिओ समोर आला आहे. या व्हिडिओत तो अभिनेता जिन्यांवरुन उतरताना दिसत आहे. पायऱ्यांवरुन उतरताना अचानक पाय घसरून अभिनेता पडतो. 

इन्स्टंट बॉलिवूड या इन्स्टाग्राम अकाऊंटवरुन अभिनेत्याचा हा व्हिडिओ शेअर करण्यात आला आहे. या व्हिडिओत सूटबूटमध्ये अभिनेता दिसत आहे. बदामी रंगाच्या ब्लेझरमध्ये अभिनेत्याचा डॅशिंग लूक दिसत आहे. जिन्यांवरुन उतरत असतानाच अभिनेत्याचा पाय घसरतो आणि तो धपकन खाली पडत असल्याचं पाहायला मिळत आहे. त्याच्याबरोबर असलेली टीम नंतर त्याला उठायला मदत करत असल्याचं दिसत आहे. अभिनेत्याबरोबर घडलेली ही घटना कॅमेऱ्यात कैद झाली आहे. 

व्हिडिओत दिसणारा हा अभिनेता दुसरा तिसरा कोणी नसून विजय देवराकोंडा आहे. विजयचा हा व्हिडिओ सोशल मीडियावर प्रचंड व्हायरल झाला आहे. हा व्हिडिओ पाहून त्याच्या चाहत्यांनी अभिनेत्याबद्दल चिंता व्यक्त केली आहे. अनेकांनी या व्हिडिओवर कमेंटही केल्या आहेत.