ठरलं तर...! ‘RRR’चा सीक्वल येणार, राजमौलींनी केला मोठा खुलासा

SS Rajamouli on RRR Sequel: तुम्हीही ‘आरआरआर’ या सिनेमाच्या प्रेमात असाल तर तुमच्यासाठी एक आनंदाची बातमी आहे...

SS Rajamouli on RRR Sequel:  तुम्हीही जगभर धुमाकूळ घालणाऱ्या ‘आरआरआर’ या सिनेमाच्या प्रेमात असाल तर तुमच्यासाठी एक आनंदाची बातमी आहे. होय, ज्युनिअर एनटीआर आणि रामचरणच्या या सिनेमाचा लवकरच सीक्वल येणार आहे. खुद्द ‘आरआरआर’चे दिग्दर्शक एस.एस. राजमौलींनी ही माहिती दिली आहे. ‘आरआरआर’च्या सीक्वलवर काम सुरू आहे. एका मुलाखतीत राजमौली ‘आरआरआर’च्या सीक्वलवर बोलले.

View this post on Instagram

A post shared by SS Rajamouli (@ssrajamouli)

ते म्हणाले, माझे वडील व लेखक विजयेंद्र प्रसाद सीक्वलच्या कथेवर गंभीरपणे काम करत आहेत. खरं तर ‘आरआरआर’च्या सीक्वलचा काहीही प्लान नव्हता. आम्ही ‘आरआरआर’ बनवला तेव्हा आम्ही सीक्वलबद्दल विचारही केला नव्हता. पण चित्रपटाला मिळणारा उत्स्फूर्त प्रसिाद बघून आम्ही चर्चा केली व काही कल्पना समोर आल्या. पण यापैकी कोणतीच कल्पना आम्हाला आवडली नाही. त्यामुळे ‘आरआरआर’च्या सीक्वलचा विषय मागे पडला. मात्र नंतर ‘आरआरआर’ जागतिक पातळीवर मिळालेलं अभूतपूर्व यश बघून माझ्या कोर टीमचा भाग असलेल्या  चुलत भावाने एक चांगली आयडिया दिली आणि यानंतर सीक्वल करायचं हे पक्क झालं. सध्या माझे वडील ‘आरआरआर’च्या सीक्वलची कथा लिहित आहेत. एकदा स्क्रिप्ट पूर्ण झाली की, त्यावर कसा चित्रपट बनवायचा हे आम्ही ठरवू, असं राजमौली म्हणाले.

दरम्यान राजामौली यांच्या ‘आरआरआर’ने २०२३ च्या ऑस्करमध्ये स्वत:चं स्थान अबाधित राखलं आहे. उत्कृष्ट चित्रपटांच्या यादीत नव्हे उत्कृष्ट गाण्यांच्या यादीत ‘आरआरआर’च्या ‘नातु नातु’ या गाण्याची वर्णी लागली आहे. या गाण्याला शॉर्टलिस्ट करण्यात आलं आहे.