'स्त्री'ला माकडांनी छळलं, डोळ्यांदेखत पळवली ही गोष्ट! श्रद्धा कपूरने सांगितला धमाल किस्सा

स्त्री २ च्या सेटवर श्रद्धा कपूरसोबत एक घटना घडली असून माकडांनी तिची खास वस्तू चोरुन पळवली (stree 2, shraddha kapoor)

सध्या 'स्त्री २' सिनेमाची चांगलीच चर्चा आहे. या सिनेमातील श्रद्धा कपूर, राजकुमार राव यांच्या अभिनयाची चांगलीच चर्चा आहे. हॉरर कॉमेडी या प्रकारात बसणारा 'स्त्री २' सध्या चांगलाच गाजतोय. इतकंच नव्हे तर बॉक्स ऑफिसवरही 'स्त्री २'ने चांगली कमाई केलीय. अशातच या सिनेमाविषयी शूटींगचे अनेक किस्से समोर येत आहेत. असाच एक धमाल किस्सा अभिनेत्री श्रद्धा कपूरने एका मुलाखतीदरम्यान सांगितला. 

माकडांनी श्रद्धाची खास वस्तू पळवली

'स्त्री २'च्या सेटवर एक धमाल किस्सा घडला. जेव्हा माकडांनी श्रद्धाच्या नकळत तिची एक खास वस्तू पळवली. श्रद्धा कपूरला खायला किती आवडतं हे आपल्या सर्वांना माहित आहे. 'स्त्री २'चं शूटींग जिथे होतं तिथे हॉटेलवर श्रद्धाने तिची आवडती बाकरवडी सोबत आणली होती. हॉटेलच्या रुममध्ये कोपऱ्यात श्रद्धाने बाकरवडीचं पॅकेट ठेवलं होतं. माकडांना या गोष्टीचा सुगावा लागला असावा. त्यांनी श्रद्धाच्या रुममध्ये येऊन तिचं बाकरवडीचं पॅकेट पळवून नेलं. श्रद्धाच्या काही कळायच्या आत माकड ते पॅकेट पळवून घेऊन गेले होते. 

#Stree2    ⭐️⭐️⭐️⭐️

Stree 2: Sarkate ka Aatank is a perfect sequel, delivering even more laughs and scares than the original. With a superb blend of horror and comedy, chart-topping songs, and surprising cameos, it keeps the audience engaged and entertained throughout.

This… pic.twitter.com/X9PXJczilR

— Krishna (@ktrades_som95) August 17, 2024

माकड हे प्रोफेशनल चोर: श्रद्धा

या घटनेचा उलगडा  करताना श्रद्धा कपूरने पुढे सांगितलं की,"माकडं ही प्रोफेशनल चोर आहेत." दरम्यान श्रद्धा कपूरचा 'स्त्री २' हा सिनेमा चांगलाच गाजतोय. 'स्त्री २' सिनेमाने दुसऱ्या दिवशी ३१.४ कमाई केली आहे. या सिनेमाने दोन दिवसांत देशभरात ९१.७ कोटींचा गल्ला जमवला आहे. तर जगभरात या सिनेमाने १०० कोटींचा आकडा पार केला आहे. या सिनेमाने दोनच दिवसात जगभरात १२५.०५ कोटी कमावले आहेत. स्त्री', 'भेडीया', 'मुंज्या' या सिनेमांनंतर 'स्त्री २' या युनिव्हर्समधील पुढचा सिनेमा आहे.