सुहाना उत्तम अभिनेत्री बनेल- शबाना आझमी

अभिनेता शाहरूख खानची मुलगी सुहाना सध्या सगळ्यांचं लक्ष वेधून घेते आहे. तीच्या बॉलिवूड डेब्युबद्दलसुद्धा विविध चर्चा सुरू आहेत. पण बॉलिवूडमध्ये पदार्पण करण्याच्या आधीच सुहानाचं कौतुक होऊ लागलं आहे.

ऑनलाइन लोकमत

मुंबई, दि. 29

अभिनेता शाहरूख खानची मुलगी सुहाना सध्या सगळ्यांचं लक्ष वेधून घेते आहे. तीच्या बॉलिवूड डेब्युबद्दलसुद्धा विविध चर्चा सुरू आहेत. पण बॉलिवूडमध्ये पदार्पण करण्याच्या आधीच सुहानाचं कौतुक होऊ लागलं आहे. ज्येष्ठ अभिनेत्री शबाना आझमी यांनी सुहाना एक उत्तम अभिनेत्री होऊ शकते, असं मत व्यक्त केलं आहे. शबाना आझमी यांनी ट्विटरवरून सुहाना खानचं कौतुक केलं आहे..

‘माझे शब्द लक्षात ठेव सुहाना खान ही पुढे जाऊन एक चांगली अभिनेत्री होणार. मी तिचे काही व्हिडिओ बघितले आहेत. तिने खूप छान अभिनय केलाय,’ असं शबाना आझमी यांनी ट्विट केलं आहे. 

 

 

 

 

@iamsrk Mark my words #Suhanakhan is going to be a seriously good actor.Ive watched a short clip of her acting and it was terrific.Bless her https://t.co/bdqYrEM8S7— Azmi Shabana (@AzmiShabana) May 28, 2017

शबाना आझमी यांच्या या ट्विटला किंग खान शाहरुखनेही उत्तर दिलं. त्याने लिहिलंय की, ‘तुम्ही खरंच खूप चांगल्या आहात. तुमच्या या वक्तव्यामुळे नक्कीच सुहानाला प्रेरणा मिळेल. धन्यवाद.’

 

 

 

How sweet are you to say that. & of course when u say it then it’s big encouragement for the little one. Thanks. https://t.co/hfFW8hx3o2— Shah Rukh Khan (@iamsrk) May 28, 2017

बॉलिवूडचा मिस्टर परफेक्शनिस्ट म्हणून आमिर खानचीसुद्धा शबाना आझली यांनी एकेकाळी प्रशंसा केली होती. आमिर बॉलिवूडमध्ये येण्यापूर्वी त्याने एक शॉर्टफिल्म केली होती. ही शॉर्फफिल्म फार कमी लोकांनी पाहिली होती. ही शॉर्टफिल्म पाहिलेल्या मोजक्या व्यक्तींपैकी एक शबाना आझमी या एक होत्या. त्यावेळी तो एक चांगला अभिनेता होणार, असं शबाना यांनी म्हटलं होतं. आमिर नंतर शबाना आझमी यांनी केलेल्या सुहाना हिच्या केलेल्या प्रशंसेमुळे सुहानादेखील बॉलिवूडमध्ये आघाडीची अभिनेत्री होइल, अशी चर्चा सिनेवर्तुळात सुरू झाली आहे.