Promo : सुरू होतेय आणखी एक नवी मालिका, ‘ही’ मालिका घेणार प्रेक्षकांचा निरोप?

New Marathi Serial : नवी मालिका सुरू होणार म्हटलं की, प्रेक्षकांचा उत्साह शिगेला पोहोचतो. शिवाय कोणती जुनी मालिका निरोप घेणार, हे जाणून घेण्याची उत्सुकताही वाढते. आता एक नवी कोरी मालिका लवकरच प्रेक्षकांच्या भेटीस येतेय.

नवी मालिका सुरू होणार म्हटलं की, प्रेक्षकांचा उत्साह शिगेला पोहोचतो. शिवाय कोणती जुनी मालिका निरोप घेणार, हे जाणून घेण्याची उत्सुकताही वाढते. आता एक नवी कोरी मालिका लवकरच प्रेक्षकांच्या भेटीस येतेय. होय,  सोनी मराठी  (Sony Marathi ) या वाहिनीवर ‘सुंदर आमचे घर’ (Sundar Amche Ghar  ) ही नवी मालिका प्रेक्षकांना पाहायला मिळणार आहे. येत्या 14 मार्चपासून दररोज रात्री 8 वाजता ही मालिका प्रेक्षकांना बघता येणार आहे. सासू आणि सुनेच्या नात्यावर आधारित या मालिकेचा प्रोमो नुकताच रिलीज झालाये.

सासू-सुनेचं प्रेम, जिवलग मैत्रिणींसारखं सेम.नवी मालिका - असे हे सुंदर आमचे घर, असं हा प्रोमो शेअर करताना सोनी वाहिनीने म्हटलं आहे.
या मालिकेत उषा नाडकर्णी, सुकन्या मोने व संचिता कुलकर्णी मुख्य भूमिकेत दिसणार आहे. प्रोमो दमदार आहे. पण मालिका कशी आहे, हे 14 मार्चनंतर कळणार आहे. 

ही मालिका घेणार प्रेक्षकांचा निरोप?
‘सुंदर आमचे घर’ हा मालिका सुरू झाल्यानंतर कोणती मालिका निरोप घेणार, याचीही चर्चा सुरू झाली आहे. ‘सुंदर आमचे घर’ सुरू होत असल्याने ‘अजूनही बरसात आहे’ ही मालिका प्रेक्षकांचा निरोप घेणार असल्याचे मानले जातेय. मुक्ता बर्वे आणि उमेश कामत हे या मालिकेत मुख्य भूमिकेत आहेत. मालिकेतील मुक्ता व उमेशची जोडी चांगलीच चर्चेत आली होती.  ‘अजूनही बरसात आहे’ संपणार म्हटल्यावर चाहत्यांच्या संमिश्र प्रतिक्रिया पाहायला मिळत आहेत. अरे... बरसात संपणार म्हणजे, अशी हळहळ एका चाहत्याने व्यक्त केली आहे. तर बससात संपणार की काय... वा वा वा, अशी कमेंट एका चाहत्याने केली आहे. ‘सुंदर आमचे घर’चा प्रोमो मात्र चाहत्यांना चांगलाच आवडला आहे. सुकन्या मोने यांना सासू म्हणून पाहण्यास उत्सुक आहे, अशा आशयाच्या कमेंट्स अनेकांनी केल्या आहेत.